ەلىمىزدىڭ بارلىق اۋداندارىندا كاسىپكەرلىكتى قولداۋ ورتالىقتارى اشىلاتىن بولادى - فوتو

ورال. قازاقپارات - ەلباسى تاپسىرماسىنا سايكەس كاسىپكەرلىكتى قولداۋ باعىتىندا كوپتەگەن باعدارلامالاردىڭ قولعا الىنعانى بەلگىلى. ەندى وسى ءىستى قالا عانا ەمەس، اۋىل- ايماقتا دا كەڭىنەن ورىستەتۋ ماقساتىندا ەلىمىزدىڭ بارلىق اۋداندارىندا كاسىپكەرلىكتى قولداۋ ورتالىقتارى اشىلاتىن بولادى.

 بۇل تۋرالى وڭىرگە جۇمىس ساپارىمەن كەلگەن ق ر ۇلتتىق كاسىپكەرلەر پالاتاسى ءتوراعاسىنىڭ ورىنباسارى نۇرجان التايەۆ ءمالىم ەتتى.

وسىعان وراي وبلىستا ءبىرىنشى رەت سىرىم اۋدانى ورتالىعى جىمپيتى اۋىلىندا كاسىپكەرلىكتى قولداۋ ورتالىعى اشىلدى. مۇنداي ورتالىقتار قۇرۋ ءىسىن كاسىپكەرلەر پالاتاسى ق ر ۇلتتىق ەكونوميكا مينيسترلىگى جانە «دامۋ» كاسىپكەرلىكتى دامىتۋ قورىمەن بىرگە قولعا الىپ وتىر. «ءبىر تەرەزە» قاعيداتى بويىنشا جۇمىس جاسايتىن ورتالىقتا كەلۋشىلەرگە ءوز كاسىبىن باستاۋدان ونى ءتيىمدى باسقارۋعا دەيىنگى قىزمەت تۇرلەرى كورسەتىلەدى. كاسىپكەرلەر وندا زاڭگەرلىك، بۋحالتەرلىك، ماركەتينگتىك، كەدەندىك، سالىقتىق كەڭەستەر الادى. ولارعا IT مەن مەنەدجمەنت سالاسىندا، بيزنەس- جوسپاردى جاساقتاۋ باعىتىندا جاردەم بەرىلەدى.

 - كاسىپكەرلەر پالاتاسى تەك ءىرى قالالار مەن وبلىس ورتالىقتارى عانا ەمەس، اۋىلداردا دا وسىنداي كومەك كورسەتپەكشى. ەلىمىزدىڭ ءبىرقاتار وڭىرلەرىندە قازىردىڭ وزىندە العاشقى ورتالىقتار جۇمىس جاساي باستادى. بيىلعى ءبىرىنشى توقساننىڭ اياعىنا دەيىن ەلىمىزدىڭ بارلىق 188 اۋدانىندا ورتالىق اشىلماقشى. مۇنداعى ماقسات - تۇسىنىك، كەڭەس بەرۋ جۇمىستارىمەن اۋىل كاسىپكەرلەرىن دە قامتۋ.

باعدارلامالار قابىلدانىپ جاتقانىمەن، ول اۋىلدىق جەرگە جەتە بەرمەيدى. كاسىبن جاڭا باستاعاندار ءوز الدىنا، ءتىپتى ناقتى ماقساتتى كوزدەگەن ادامداردىڭ ءوزى بيزنەس- جوبانى قالاي جاسايتىنىن بىلمەيدى. سودان كەيىن رۇقساتناما قاعازىن جيناۋ جۇمىسى دا وڭايشىلىقپەن بىتە قويمايدى. كاسىپكەرلىكتى دامىتۋ ىسىندە اكىمشىلىك كەدەرگىلەر دە جوق ەمەس. تەك وتكەن جىلدىڭ وزىندە جەكە كاسىپكەرلەر تاراپىنان ق ر ۇلتتىق كاسىپكەرلەر پالاتاسىنا 20 مىڭنان استام ارىز- شاعىم ءتۇستى. سولاردىڭ كوبىسى - جەر قاتىناستارى مەن قۇرىلىس نىساندارىن جۇرگىزۋ ءىسى بويىنشا كەدەرگىگە تاپ بولعاندار. بۇدان كەيىن جەكە كاسىبىن باستاۋعا نەسيە الۋ ماسەلەسى دە وڭاي ەمەس، وعان دا ءبىراز ۋاقىت كەتەدى. مۇنىڭ ءبارىن وڭايلاتۋ ءۇشىن كاسىپكەرلىكتى قولداۋ ورتالىعىندا كەڭەسشىلەر مەن زاڭگەرلەر، ەسەپشىلەر جانە بيزنەس- جوسپار جاساۋعا كومەكتەسەتىن ماركەتولوگتار، بانك وكىلدەرى وتىرادى جانە ولاردىڭ ءارقايسىسى جەكە كاسىبىن باستاعىسى كەلگەن ادامدارعا قۇجات جيناۋعا جاردەم بەرەدى. ياعني بۇرىن وسى مامانداردىڭ ءارقايسىسىنا بارىپ، قىرۋار ۋاقىتىن تەككە كەتىرەتىن كاسىپكەرلەر ەندىگى جەردە جۇمىستارىن ءبىر- اق جەردەن، وسىنداي ورتالىقتان بىتىرەتىن بولادى. بۇعان قوسا، ورتالىقتار جانىندا كاسىپكەرلەر مەكتەبى جۇمىس جاساپ، وندا ءوز ءىسىن جاڭا باستاعان ادامدار كاسىپكەرلىك نەگىزدەرىنە وقىتىلماق، - دەدى ن. التايەۆ.