قىتايلىقتارعا ءتورتىنشى مۇناي وڭدەۋ زاۋىتىنىڭ قۇرىلىسىنا قاتىسۋ ۇسىنىلدى - مينيستر

استانا. قازاقپارات - قازاقستاندا ءتورتىنشى مۇناي وڭدەۋ زاۋىتىنا قىتاي ينۆەستيتسياسىن تارتۋ ۇسىنىلدى.

بۇل تۋرالى بۇگىن ق ر ەنەرگەتيكا مينيسترلىگىنىڭ القا ماجىلىسىندە وسى ۆەدومستۆونىڭ باسشىسى ۆلاديمير شكولنيك ءمالىم ەتتى.

 «مەملەكەت باسشىسىنىڭ تاپسىرماسى بويىنشا قازاقستاندا ءتورتىنشى مۇناي وڭدەۋ زاۋىتىنىڭ قۇرىلىسى باعىتىندا مينيسترلىك تاراپىنان قۇرىلىس ماسەلەسى اياسىندا ءتيىستى قاراستىرۋ شارالارى جالعاسۋدا. بيىلعى قاڭتاردىڭ اياعىندا استانادا كەزەكتى قازاقستان- قىتاي ۇكىمەت ارالىق كوميسسياسىنىڭ وتىرىسىندا قىتايلىق تاراپقا بۇل ينۆەستيتسيالىق جوباعا قاتىسۋ ۇسىنىسى جاسالدى»، - دەدى مينيستر.

اۆتور: رۋسلان عابباسوۆ