مۇنداي ۇسىنىستى بۇگىن اكتسيانىڭ ۇيىمداستىرۋ كوميسسياسىنىڭ وتىرىسىندا ۇ ع ا اكادەميگى عاريفوللا ەسىم ءبىلدىردى.
«قازاق حالقى كىتاپتى اۋىزشا تىڭداعاندى جاقسى كورەدى. سوندىقتان ءبىز ەل اعالارى رەتىندە وسى «كوشپەندىلەردى»، ونىڭ ىشىندە «الماس قىلىشتى» وتىرىپ الىپ، راديودان وقيىق. ءتىپتى كەرەك بولسا، تەلەديداردان دا وقيىق. بۇل حالىققا كىتاپتى ودان ءارى جالعاستىرىپ وقۋعا تۇرتكى بولادى»، - دەدى ع. ەسىم وتىرىستا.
ونىڭ ۇسىنىسىن جينالىسقا قاتىسقان بارلىق قوعام قايراتكەرلەرى مەن اقىن- جازۋشىلار دا قولدادى.
ايتا كەتەيىك، ءى. ەسەنبەرليننىڭ «كوشپەندىلەر» رومانى «ءبىر ەل - ءبىر كىتاپ» اكتسياسى اياسىندا جىل كىتابى بولىپ تانىلدى. كوميسسيا مۇشەلەرى ەندىگى كەزەكتە كىتاپتى قازاق، ورىس، اعىلشىن تىلدەرىندە قايتادان باسىپ شىعارىپ، كوپشىلىككە جەتەتىندەي جاعداي تۋدىرۋ قاجەت دەيدى.
اۆتور: ءابۋ-اسقار مەكەش ۇلى