گەرمانيالىق ينۆەستورلار قىزىلوردادا كۇن ەلەكتر ستانسياسىن سالادى
ەنەرگەتيكا جانە تۇرعىن ءۇي- كوممۋنالدىق شارۋاشىلىعى باسقارمالارىنىڭ باسشىلارىمەن، سونداي- اق «KEGOK» ا ق- نىڭ وكىلدەرىمەن كەزدەسۋى ۇيىمداستىرىلدى. بۇل تۋرالى وبلىستىق كاسىپكەرلەر پالاتاسىنىڭ باسپا ءسوز قىزمەتى حابارلادى.
كەزدەسۋ بارىسىندا «جاڭاقورعان اۋدانىندا قۋاتتىلىعى 50 م ۆ ت بولاتىن كۇن ەلەكتر ستانتسياسىنىڭ قۇرىلىسىن سالۋ» جوباسىنىڭ جۇزەگە اسىرىلۋ مەحانيزمدەرى تالقىلاندى.
«IBC Solar» كورپوراتسياسى فوتو ەلەكتريكالىق ەنەرگيا سالاسىندا 30 جىلدىق تاجىريبەسى بار، دۇنيە ءجۇزى بويىنشا جەتەكشى كاسىپورىنداردىڭ ءبىرى. كۇن ساۋلەسىنەن ەلەكتر ەنەرگياسىن الۋدىڭ كەشەندى جولدارىن قالىپتاستىرعان كومپانيانىڭ بۇگىندە دۇنيە ءجۇزى بويىنشا 10 ەنشىلەس كاسىپورنى، 400 جۇمىسشىسى بار.
بۇگىندە «IBC Solar», كورپوراتسياسى قىزىلوردا وبلىسىندا جاسىل ەكونوميكانى دامىتۋعا قاتىستى تەڭدەسسىز جوبا - «جاڭاقورعان اۋدانىندا قۋاتتىلىعى 50 م ۆ ت بولاتىن كۇن ەلەكتر ستانتسياسىنىڭ قۇرىلىسىن سالۋ» جوباسىن جۇزەگە اسىرۋدا. قۇنى 65 ميلليون دوللار تۇراتىن اتالمىش جوبانى كومپانيا ل. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ يننوۆاتسيالىق تەحنوپاركىمەن بىرگە جۇزەگە اسىراتىن بولادى.
ءوز كەزەگىندە كاسىپكەرلەر پالاتاسىنىڭ ديرەكتورى رۋسلان دوسماحانوۆ قازاقستاندا ينۆەستيتسيالىق باسىم جوبالاردى جۇزەگە اسىراتىن ينۆەستورلاردىڭ جۇمىستارىنا مەملەكەت تاراپىنان قولداۋ كورسەتىلەتىندىگىن، سونداي- اق ينۆەستورلار ءۇشىن سالىق جانە وزگە دە ماسەلەلەر بويىنشا جەڭىلدىكتەر قاراستىرىلعاندىعىن ايتا كەلە، اتالمىش جوبانى جۇزەگە اسىرۋ بارىسىندا كاسىپكەرلىك پالاتاسىنىڭ جان- جاقتى قولداۋ كورسەتۋگە دايىن ەكەندىگىن جەتكىزدى.
اۆتور: ەلۋباي اۋەزوۆ