قازاقستاندىقتارعا بيزنەستى وڭتۇستىك كورەيا مەن ءۇندىستاننىڭ ۇلگىسىندە جۇرگىزۋ ۇسىنىلدى

استانا. قازاقپارات - ق ر ۇلتتىق ەكونوميكا مينيسترلىگى وڭتۇستىك كورەيا مەن ءۇندىستاننىڭ ۇلگىسىندە بيزنەس نەگىزدەرى بويىنشا وقىتۋ ۆيدەو روليكتەرىن دايىندادى. بۇل تۋرالى ۆەدومستۆو باسشىسى ەربولات دوسايەۆ ق ر پارلامەنتى ءماجىلىسى ەكونوميكالىق رەفورما جانە وڭىرلىك دامۋ كوميتەتىنىڭ كەڭەيتىلگەن وتىرىسىندا حابارلادى.

«وتكەن جىلى ءبىرىڭعاي بيزنەس-ينفراقۇرىلىمىن قۇرۋ جۇمىستارى اياقتالدى. بۇل ءوز ءىسىن جۇرگىزۋگە نيەت تانىتقاندارعا تولىق اقپارات پەن كەڭەس الۋىنا جول اشتى»، - دەدى ە. دوسايەۆ.

ونىڭ سوزىنە قاراعاندا، بۇگىن بۇكىل وبلىس ورتالىقتارىندا جانە استانا، الماتى، سەمەي قالالارىندا 18 كاسىپكەرلەرگە قىزمەت كورسەتۋ ورتالىعىندا بيزنەسكە كونسالتينگتىك قىزمەت كورسەتىلەدى. بارلىق اۋدان ورتالىقتارىندا، شاعىن قالالاردا جانە ەلدى مەكەندەردە 188 كاسىپكەرلەردى قولداۋ ورتالىعى جۇمىس ىستەيدى. سونىمەن بىرگە 14 موبيلدى ك ق و قىزمەت ەتەدى. ءبىرىڭعاي بيزنەس ينفراقۇرىلىمى ارقاسىندا شامامەن 109 مىڭ كاسىپكەر كونسالتينگتىك جانە اقپاراتتىق قولداۋعا يە بولدى.

سونىمەن قاتار، ءمينيستردىڭ سوزىنە قاراعاندا، اعىمداعى جىلى وڭتۇستىك كورەيا مەن ءۇندىستاننىڭ ۇلگىسىندە بيزنەس نەگىزدەرى بويىنشا وقىتۋ ۆيدەو روليكتەرى جاسالدى. ەلدىڭ بارلىق ايماعىنا مۇنداي 40 وقىتۋ ۆيدەو روليگى جىبەرىلدى.