باتىس قازاقستاندىق ساقشىلار حالىقارالىق تۋرنيردىڭ جەڭىمپازى اتاندى

ورال. قازاقپارات - باتىس قازاقستاندىق ساقشىلار اتىراۋ قالاسىندا قازاق حاندىعىنىڭ 550 جىلدىعىنا جانە پوليگرافيا سالاسىنا ەڭبەگى سىڭگەن قايراتكەر مىرزاباي توعايەۆتى ەسكە الۋعا ارنالعان اسكەري سامبودان وتكەن حالىقارالىق تۋرنيردە جەڭىمپاز اتاندى.

ب ق و ىشكى ىستەر دەپارتامەنتىنىڭ باسپا ءسوز قىزمەتىنەن تۇسكەن مالىمەتكە قاراعاندا، اتالمىش جارىسقا قازاقستاننىڭ بارلىق ءوڭىرى مەن رەسەيدەن سپورتشىلار قاتىسىپ، باق سىنادى. ب ق و قۇراماسى ساپىندا وبلىستىق ىشكى ىستەر دەپارتامەنتى قىزمەتكەرلەرى تەمىرلان يحسانعاليەۆ 82، ميرجان باقتىبايەۆ 90، ايبەك عابدەشيەۆ 74 كەلى سالماقتا ءبىرىنشى ورىندى يەلەندى.

ايتا كەتەيىك، وبلىستىق ىشكى ىستەر دەپارتامەنتى مەن ب ق و دەنە شىنىقتىرۋ جانە سپورت باسقارماسىنىڭ قولداۋىمەن اتالعان سامبوشىلار باسقا دا جارىستارعا قاتىسىپ، جۇلدەمەن ورالىپ ءجۇر.

اۆتور: ەلجان ەرالى