ۆاشينگتون مونۋمەنتى شوگىپ بارادى

استانا. قازاقپارات - ا ق ش- تىڭ مۇحيتتىق جانە اتموسفەرالىق ۇلتتىق زەرتتەۋلەر ورتالىعىنىڭ ماماندارى ۆاشينگتون مونۋمەنتىنە قاتىستى توسىن جاڭالىق جاريالادى.

 ايتۋلارىنشا، ا ق ش استاناسىندا ورنالاسقان دجوردج ۆاشينگتون مونۋمەنتى بۇرىنعىسىنان شامامەن 25 س م قىسقا بولىپ شىقتى.

ۇلتتىق اللەيانىڭ قاق ورتاسىنان ورىن تەپكەن قالانىڭ باس ەسكەرتكىشى 1884 - جىلى تۇرعىزىلعان. سول كەزدەگى بيىكتىگى 169,294 مەتردى (555,5 فۋنت 1/8 ديۋيم) قۇراپتى. الايدا ارادا 130 جىل وتكەندە ءسۇمبىل نىساننىڭ بويى دا شوگىپ شىعا كەلدى. جاڭا ولشەم بويىنشا مونۋمەنت بيىكتىگى 169,046 مەتر، ياعني 24,8 سانتيمەترگە الاسا ەكەنىن كورسەتىپ وتىر. عالىمدار ازىرگە مۇنىڭ سەبەبىن سان- ساققا جورۋدا. نىسان 1,5 عاسىرعا جۋىق ۋاقىت جۇزىندە جەرگە وتىرۋى مۇمكىن.

 ەكىنشىدەن، نايزاعايلار مەن جەر سىلكىنىسىنىڭ اسەرى دە بولۋى ىقتيمال. ماسەلەن 2011 - جىلعى ءزىلزالا كەزىندە تاريحي عيماراتقا ەداۋىر سىزات ءتۇسىپ، ناتيجەسىندە 3 جىل بويى جۇرگىزىلگەن قايتا قالپىنا كەلتىرۋ جۇمىستارىنا بايلانىستى مونۋمەنت ۋاقىتشا جۇمىسىن توقتاتقانى بەلگىلى.

www.khabar.kz