لەنيننىڭ مايىتىنە جاڭا كوستيۋم كيگىزىلەدى

استانا. قازاقپارات - كرەمل قابىرعاسىندا جاتقان ۆلاديمير لەنيننىڭ مايىتىنە جاڭا كوستيۋم كيگىزىلەدى، - دەپ حابارلايدى Lenta.ru «ينتەرفاكسكە» سىلتەمە جاساپ.

وسى جانە وزگە دە تۇراقتى شارالاردى جۇرگىزۋ ءۇشىن ماۆزولەي 16 - اقپاننان 16 - ساۋىرگە دەيىن جابىق بولادى.

پورتالدىڭ مالىمەتىنشە، لەنيندى بۇكىل رەسەيلىك دارىلىك جانە حوش ءيىستى وسىمدىكتەر ينستيتۋتىنىڭ بيوحيميك ماماندارى كيىندىرەدى. كوستيۋم بىرنەشە جىلدا ءبىر رەت اۋىستىرىلادى. بۇل راسىممەن قاتار ماۆزولەي ىشىنە ورنالاستىرىلعان اپپاراتۋرالارعا تەستىلەۋ جۇرگىزىلەدى.

ايتا كەتەيىك، ۆلاديمير ۋليانوۆتىڭ (لەنين) ءمايىتى 1924 - جىلى 21 - قاڭتاردا، ول قازا بولعان كۇنى بالزامدالدى. عىلىمنىڭ زاماناۋي جەتىستىكتەرىنىڭ ارقاسىندا ءمايىت ءالى دە ۇزاق ۋاقىت ساقتالادى.