قازاق حاندىعى تۋرالى مۋلتفيلمدى دايىنداۋ جاس انيماتورلارعا بەرىلدى

استانا. قازاقپارات - جاس انيماتورلاردان قۇرالعان توپ قازاق حاندىعىنا ارنالعان «ەل اماناتى» انيماتسيالىق فيلمىن جاساپ جاتىر. بۇل تۋرالى ق ر مادەنيەت جانە سپورت مينيسترلىگىنىڭ القا ماجىلىسىنەن كەيىن مادەنيەت جانە ونەر ىستەرى دەپارتامەنتىنىڭ ديرەكتورى اقتوتى رايىمقۇلوۆا ءمالىم ەتتى.

«سۋرەتشىلەردىڭ بارلىعى وزىمىزدەن. ولار وتە تالاپتى جاستار. قازىرگى كەزدە فيلمدەگى كەيىپكەرلەردىڭ داۋىسىن سالاتىنداردى ىرىكتەپ جاتىرمىز»، - دەدى ول.

ونىڭ ايتۋىنشا، مۋلتفيلم الداعى جاز ايلارىندا كورەرمەن نازارىنا ۇسىنىلماق. ونى ءتۇسىرۋ ءۇشىن ەلىمىزدىڭ تاريحى تۋرالى ءبىرقاتار ەلدەردىڭ مۇراعاتتارىنان قۇجاتتار پايدالانىلۋدا.

«ءبىز بۇل ءونىم ەل ىشىندە جانە سونىمەن قاتار شەتەلدەردە دە كورەرمەندەردىڭ قىزىعۋشىلىعىنا يە بولاتىنداي ماقسات-مىندەتتى الدىمىزعا قويىپ وتىرمىز»، - دەدى ا. رايىمقۇلوۆا.

اۆتور: رۋسلان عابباسوۆ