ەلباسىنىڭ قازاقستاندا شىعارىلعان تاۋارلاردى، ونىمدەردى ساتىپ الۋ يدەياسىن بۇكىل قازاقستاندىقتار قولدايدى - ن. سابيليانوۆ
بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە ق ر پارلامەنتى ءماجىلىسىنىڭ دەپۋتاتى نۇرتاي سابيليانوۆ ايتتى.
«قازاقستاندا شىعارىلعان تاۋارلاردى، ونىمدەردى ساتىپ الۋ يدەياسىن بۇكىل قازاقستاندىقتار قولدايدى. ويتكەنى، بۇل - ءوزىمىزدىڭ ەلگە، قوعامعا سالىنعان ينۆەستيتسيا. ءاربىر ادام ەلىمىزدە شىعارىلعان تاۋارلاردى ساتىپ الاتىن بولسا، وندا بۇل كاسىپكەرلىككە، وندىرىسكە قولداۋ دەپ ويلايمىن»، - دەدى ن. سابيليانوۆ.
سونىمەن قاتار ول ب ا ق وكىلىنىڭ ساۋالىنا وراي دەپۋتاتتاردا كاسىپكەرلەردى نە بولماسا دۇكەندەردى، ساۋدا ورتالىقتارىن تەكسەرۋ قۇقىعى جوق ەكەندىگىن اتاپ ءوتتى.
«دەگەنمەن دە ءبىز دەپۋتات رەتىندە حالىقتىڭ ورتاسىندا بولامىز. دۇكەندەردى سىزدەرمەن بىرگە ارالاپ كورۋگە دايىنبىز. ءوندىرىس ورىندارىنا دا بارىپ، جاعدايلارىن كورەيىك. ەگەر قانداي دا ءبىر قيىندىقتار، كەدەرگىلەر بولسا، ولاردىڭ شەشىلۋىنە دە اتسالىسامىز»، - دەدى دەپۋتات.
ن. سابيليانوۆ قازاقستان كاسىپكەرلەرى ەنەرگيا رەسۋرسىنا جانە كوپتەگەن قوسالقى بولشەكتەرگە باعانىڭ ارزانداۋىنا بايلانىستى ءوز كاسىپورىندارىن دامىتۋعا باسا نازار اۋدارعانى ءجون ەكەندىگىن ەسكەرتە كەلە: «باسەكەگە قابىلەتتى تاۋار، ءونىم شىعاراتىن بولسا ءبارىمىز دە الامىز»، - دەدى.