وزگە ۇلت جاستارى اراسىندا «ءتىل - تاتۋلىق تىرەگى» اتتى وبلىستىق بايقاۋ ءوتتى
بۇل تۋرالى وبلىستىق ىشكى ساياسات باسقارماسىنىڭ باسپا ءسوز قىزمەتى حابارلادى.
بايقاۋعا قىزىلوردا قالاسى مەن قازالى، قارماقشى، جالاعاش، شيەلى، جاڭاقورعان اۋداندارىنان 18-30 جاس ارالىعىنداعى 9 تالاپكەر قاتىستى.
بايقاۋعا قاتىسۋشىلاردى وبلىس اكىمى اپپاراتىنىڭ قوعامدىق كەلىسىم ورتالىعى ديرەكتورىنىڭ ورىنباسارى اسىلبەك جۇمابايەۆ قۇتتىقتاپ، ساتتىلىك تىلەدى.
بايقاۋعا قاتىسۋشىلار «ءتىل - تاتۋلىق تىرەگى» اتتى بەينەروليكتەر بايقاۋى، «مەملەكەتتىك ءتىلدى ءبىلۋ - بۇل .. .» اتتى ەسسە بايقاۋى، اۋىزشا تاپسىرمالار بويىنشا ءوز ءوڭىرىن قازاق تىلىندە تانىستىرىپ، «وي جارىس» اتالىمىندا 2015 - جىلى وتەتىن بارلىق اتاۋلى كۇندەرگە قاتىستى قويىلعان سۇراقتارعا جاۋاپ بەردى.
بايقاۋعا قاتىسۋشىلارعا فيلولوگيا عىلىمدارىنىڭ كانديداتى، قورقىت اتا اتىنداعى قىزىلوردا مەملەكەتتىك ۋنيۆەرسيتەتىنىڭ قازاق ءتىلى مەن ادەبيەتى جانە جۋرناليستيكا كافەدراسىنىڭ پروفەسسورى امان اباسيلوۆ، № 3 مەكتەپ- ليتسەيىنىڭ قازاق ءتىلى مەن ادەبيەتى ءپانىنىڭ مۇعالىمى ەلميرا سايداليەۆا، نازاربايەۆ زياتكەرلىك مەكتەبىنىڭ باسپا ءسوز حاتشىسى، وبلىستىق، رەسپۋبليكالىق بايقاۋلاردىڭ جەڭىمپازى ەلەنا رىبينا قازىلىق جاسادى.
بايقاۋ قورىتىندىسى بويىنشا قىزىلوردا لوكوموتيۆ پايدالانۋ دەپوسىنىڭ ماشينيست كومەكشىسى گەننادي شيپوۆسكيح 1 - ورىندى جەڭىپ السا، جالاعاش اۋدانى ورتالىق اۋرۋحاناسىنىڭ جۇقپالى اۋرۋلار بولىمشەسىنىڭ مەيىربيكەسى ۆيولەتتا بوندارەنكو Ⅱورىندى ، قازالى اۋدانى، ق. نۇرماحانوۆ اتىنداعى №95 مەكتەپتىڭ تاربيەشىسى ناتاليا باركوۆا 3 - ورىندى يەلەندى.
ال، قازالى اگرارلىق- تەحنيكالىق كوللەدجىنىڭ 3-كۋرس ستۋدەنتى ميحايل شامين، جاڭاقورعان اۋداندىق ىشكى ساياسات ءبولىمىنىڭ باس مامانى ەۆگەني مەتەليەۆ، شيەلى اۋدانى، №252 گ. كوۆتۋنوۆ اتىنداعى ورتا مەكتەبىنىڭ 10- سىنىپ وقۋشىسى مارينا چجەن ىنتاندالاندىرۋ سىيلىقتارىنا يە بولدى.
بايقاۋعا قاتىسۋشىلار ديپلومدارمەن، ەسكەرتكىش سىيلىقتارمەن ماراپاتتالدى.
وبلىستىق بايقاۋدىڭ جەڭىمپازى اقپان ايىنىڭ 20-21 ىندە وتەتىن رەسپۋبليكالىق بايقاۋعا قاتىسادى.
اۆتور: ەلۋباي اۋەزوۆ