ا. راۋدىڭ لانجوۋ قالاسىنا ساپارى بارىسىندا ىنتىماقتاستىق تۋرالى مەموراندۋمعا قول قويىلدى

بەيجىڭ- لانجوۋ. قازاقپارات - ق ر ينۆەستيتسيالار جانە دامۋ ۆيتسە- ءمينيسترى البەرت راۋ باستاعان قازاقستاندىق دەلەگاتسيا گانسۋ پروۆينتسياسى (ورتالىق قىتاي) باسشىلىعىنىڭ شاقىرۋىمەن لانجوۋ قالاسىندا بولدى.

ساپار بارىسىندا ا. راۋ پروۆينتسيا باسشىسىنىڭ ورىنباسارى حۋان سيانمەن جانە ءوڭىردىڭ ءىرى كاسىپورىندارىنىڭ وكىلدەرىمەن كەزدەسىپ، كەلىسسوزدەر جۇرگىزدى.

 تاراپتار ينۆەستيتسيالار، كەن- مەتاللۋرگيا كەشەنى، ماشينا جاساۋ، جەڭىل ونەركاسىپ، كولىك جانە ساۋدا سالاسىنداعى ىنتىماقتاستىقتىڭ پەرسپەكتيۆالارىن تالقىلادى.

كەزدەسۋ قورىتىندىسىمەن «KAZ Minerals» جانە قىتايلىق  «Baiyin Nonferrous Metal (Group) Co. Ltd.»  كومپانياسى اراسىندا ىنتىماقتاستىق تۋرالى مەموراندۋمعا قول قويىلدى.

ەسكە سالا كەتەيىك، گانسۋ پروۆينتسياسىندا كەن ءوندىرۋ ونەركاسىبى، مەتاللۋرگيا، قايتارىمدى جانە بالاما ەنەرگەتيكا، ماشينا جاساۋ دامىعان.  

«Baiyin Nonferrous Metal (Group) Co. Ltd.»  -  ءوڭىردىڭ   قورعاسىن،  مىرىش،  مىس،  كەرىش   جانە   اليۋميني   وندىرىسىمەن   اينالىساتىن   ءىرى   كومپانيالارىنىڭ   ءبىرى.