يسپانيا كورولى ءوز ەڭبەك اقىسىن قىسقارتتى

استانا. قازاقپارات - يسپانيا كورولى فيليپپ VІ ءوزىنىڭ جالاقىسىن قىسقارتۋ جونىندە شەشىم قابىلدادى. ءسويتىپ، ول ءوزىنىڭ الدىندا كورول بولعان حۋان كارلوستىڭ كەزىندەگى جالاقىعا قاراعاندا 20 پايىز از الاتىن بولدى.

ناقتىراعىن ايتساق، ول ەندى سالىقتىق الىمدى ەسەپكە الماعاندا جىلىنا  234 مىڭ ەۋرو تابادى. بۇل بۇرىنعى جالاقىدان 58 مىڭ ەۋروعا از.

كورول وتباسىنىڭ باسقا مۇشەلەرىنىڭ تابىستارى دا كورول ەڭبەكاقىسىنا بايلانىستى بولعاندىقتان، ولاردىڭ كىرىستەرى دە قىسقارا تۇسەتىن بولادى. ماسەلەن، حۋان كارلوس بيىلعى جىلى 36 پايىزعا از تابىس تابادى. ال كوروليەۆا  ليتيستىڭ جالاقىسى 26 پايىزعا، كوروليەۆا سوفيانىكى 20 پايىزعا قىسقارا تۇسەدى.

كورول وتباسىنىڭ جانە كورولدىك اكىمشىلىكتىڭ شىعىندارىنا بيىلعى جىلى مەملەكەتتىك بيۋدجەتتەن 7,8 ميلليون ەۋرو قاراستىرىلعان. بۇل بىلتىرعى جىلدىڭ شىعىندارىمەن سايكەس كورسەتكىش، دەپ جازادى «ەگەمەن قازاقستان» گازەتى.