جەزقازعاندا «ۇلىتاۋ ءۇنى» فەستيۆالى وتەدى

استانا. قازاقپارات - جەزقازعاندا حالىق شىعارماشىلىعى مەن كوركەمونەرپازدار ونەرىنىڭ XXV ايماقتىق «ۇلىتاۋ ءۇنى» فەستيۆالى وتەدى، دەپ حابارلايدى قالالىق مادەنيەت جانە تىلدەردى دامىتۋ بولىمىنەن.

فەستيۆال رەسمي تۇردە 11- ناۋرىز كۇنى اشىلادى. سالتاناتتى شارا ايماقتىق «جۇلدىز-2015» جاستاردىڭ ەسترادالىق اندەر كونكۋرسىمەن باستالادى. كونكۋرستا ۇلى جەڭىستىڭ 70 جىلدىعىنا ارنالعان اندەر ورىندالماق.

سونىمەن قاتار، فەستيۆال اياسىندا XXV ايماقتىق «ۇلىتاۋ ءۇنى» فەستيۆالىنىڭ مەرەيتويلىق كورمەسى، «قازاق حاندىعىنىڭ 550 جىلدىعى» اتتى تەاترلاندىرىلعان كورىنىستەر كونكۋرسى وتەدى.

ۇيىمداستىرۋشىلار جىل سايىنعى ءداستۇر بويىنشا اقىنداردىڭ كەشتەرىن وتكىزۋدى دە جوسپارلاپ وتىر. اقىن ومار قۋناق ۇلىنىڭ 125 جىلدىعىنا ارنالعان كەش، اقىن امانجول وماروۆتىڭ شىعارماشىلىق كەشى مەن اقىن ءنۇراسيلا بارمەنبايەۆانىڭ 100 جىلدىعىنا ارنالعان ەسكە الۋ كەشى وسىنىڭ دالەلى. فەستيۆال 13- ناۋرىز كۇنى گالا كونسەرتپەن اياقتالادى.