استانادا لايىقتى ەڭبەك شارتىن قامتاماسىز ەتۋ ماقساتىندا ءۇش جاقتى كەلىسىمگە قول قويىلدى
كەلىسىمگە استانا قالاسى اكىمىنىڭ ورىنباسارى ەرمەك امانشايەۆ، استانا قالاسى كاسىپوداقتار ورتالىعىنىڭ ءتوراعاسى سارسەنباي مىڭبايەۆ، استانا قالاسى كاسىپكەرلەر پالاتاسى ديرەكتورىنىڭ ورىنباسارى ايتۋعان وماروۆ جانە استانالىق جۇمىس بەرۋشىلەر وداعىنىڭ ءتوراعاسى الەكساندر جيتنيكوۆ قول قويدى.
استانا قالاسى اكىمىنىڭ ورىنباسارى ە. امانشايەۆ 11- اقپان كۇنى وتكەن كەڭەيتىلگەن وتىرىستا مەملەكەت باسشىسى ن. نازاربايەۆ كومپانيا باسشىلارىنا جۇمىس ورىندارىن ساقتاۋدى بۇيىرعانىن اتاپ ءوتتى:
«بۇگىنگى كەلىسىم ناتيجەسىندە ءبىز ەلباسىنىڭ حالىقتى جۇمىسپەن قامتۋ جونىندەگى تاپسىرمالارىن مۇقيات ورىنداۋىمىز قاجەت، ول ءۇشىن
«نۇرلى جول» باعدارلاماسىن جۇزەگە اسىرۋ ارقىلى وتاندىق وندىرۋشىلەرگە ۇلكەن مۇمكىندىكتەر بەرىلگەن»، - دەدى ول.
تاراپتار كەلىسىم ارقىلى الەۋمەتتىك ەڭبەك قاتىناستارىن رەتتەۋدەگى، ەڭبەك قاتىناستارى سالاسىندا جانە جۇمىسكەرلەردى الەۋمەتتىك قامتاماسىز ەتۋگە سەپتىك جاساماق.
بۇل ۇردىستەر حالىقتى جۇمىسپەن قامتۋ جانە ەڭبەك رەسۋرستارىن دامىتۋ سالاسىندا الەۋمەتتىك ارىپتەستىكتىڭ ءتيىمدى ءوزارا ءىس-قيمىلىمەن قولداۋعا يە بولۋعا ءتيىس.