ارقان تارتىس - ۇلتتىق ويىن - كەسكىن

استانا. قازاقپارات - ارقان تارتىس - ۇلتتىق ويىن. ناۋرىز مەيرامى كەزىندە ءجيى وينالاتىن ۇلتتىق ويىن ءتۇرى.

ويىندى جازدا كوگالدى الاڭدا، سپورت زالىندا وتكىزۋگە بولادى. ويىنعا ۇزىندىعى 10 مەتردەي جۋان ارقان كەرەك. ول ارقاننىڭ تەڭ ورتاسىنان ورامالمەن وراپ بەلگى جاسايدى، بەلگىنىڭ ەكى جاعىنان ءبىر جارىم، ەكى مەتردەي جەردەن تاعى دا جوعارىداعى تارتىپپەن بەلگىلەيدى.

ويىنعا قاتىسۋشىلار تەڭ ەكى توپقا بولىنەدى. ولاردىڭ سانى 10-12 ادام بولۋى مۇمكىن، ويىنشىلار بوي- بويىمەن قاتار تۇزەپ تۇرادى.

ويىن باسقارۋشىنىڭ بەرگەن پارمەنى بويىنشا قاتار تۇزەپ، ساپتا تۇرعان ويىنشىلار وڭ جاق شەتىنەن باستاپ قاتار سانىن «ءبىر، ەكى، ءۇش»... دەپ سول جاق شەتىنە دەيىن ساناپ شىعادى. ءسويتىپ، تاق جاعى ءبىر بولەك، جۇپ جاعى ءبىر بولەك ءبولىنىپ شىعادى.

كۇن ىلگەرى سىزىپ قويعان ءۇش سىزىقتىڭ ورتاسىنا ارقانداعى ءۇش بەلگىنىڭ ەكى شەتكىسىن ءدال كەلتىرىپ كەرىپ تۇرادى دا، ارقاننىڭ شەتكى بەلگىسىنەن باستاپ ۇشىنا دەيىن ويىنشىلار قوس قولداپ ۇستاپ تارتىپ تۇرادى. سودان سوڭ ويىن باسقارۋشىنىڭ بەرگەن كومانداسى بويىنشا ەكى توپ تارتىسقا تۇسەدى. ويىنشىلاردىڭ ماقساتى - تارتىسقا تۇسكەن ەكى توپ ءبىرىن- ءبىرى تارتىپ، جەردەگى ورتالىق سىزىقتان بۇرىن سۇيرەتىپ وتكىزىپ اكەتۋ.

ەكى توپتىڭ قاي جاعى ورتالىق سىزىقتان قارسى توپتى بۇرىن سۇيرەپ وتكىزىپ اكەتسە، سول جاعى ۇتقان بولادى، جەڭگەن جاعى بايگەسىن الادى. ويىندى وسى جوعارىداعى تارتىپپەن جۇرگىزە بەرۋگە بولادى. ويىن قيمىل بىرلىگىن قالىپتاستىرىپ، ۇجىمدىق ءىس- ارەكەتكە تاربيەلەيدى.

Islam.kz