وتىرىك ايتقان تەلەجۇرگىزۋشى جارتى جىلدىق جالاقىسىنان قاعىلدى

استانا. قازاقپارات - ا ق ش-تىڭ NBC News ارناسىنىڭ تانىمال تەلەجۇرگىزۋشىسى براين ۋيليامس ءوزىنىڭ ەفير كەزىندە وتىرىك ايتقانىن مويىنداپ، كورەرمەننەن كەشىرىم سۇرادى. USA Today باسىلىمىنىڭ حابارلاۋىنشا، جۋرناليست ا ق ش-تىڭ 2003 - جىلى يراكقا جاساعان شابۋىلى كەزىندە ءوزى وتىرعان تىكۇشاق زەڭبىرەكپەن اتىپ تۇسىرىلگەنىن ايتىپ سالعان.

ول بۇعان قوسا ءبىر كەزدەرى بولعان كاترينا داۋىلىنان سوڭ ءتۇسىرىلىم بارىسىندا ءىشى ءوتىپ اۋىرعانىن سۋدىراتىپتى.

ەندى بەلگىلى بولعانداي، برايننىڭ بۇل اقپاراتتارى ناعىز سۋايتتىققا جاتقىزىلىپ وتىر. بۇل كىناسىن جۋرناليستىڭ ءوزى دە موينىمەن كوتەرىپ، كورەرمەندەرىنىڭ الدىندا كەشىرىم سۇرادى. دەگەنمەن NBC News پرەزيدەنتى دەبورا تەرنەسس قىزمەتكەرىنىڭ مۇنداي ۇياتتى قىلىعى ءۇشىن 6 اي جالاقىسىنان ايىرۋ تۋرالى بۇيرىققا قول قويدى.

براين ۋيليامس NBC News ارناسىندا 1990 - جىلدان بەرى جۇمىس ىستەپ كەلەدى. ەڭبەك جولىن اۋەلى تىلشىلىكتەن باستاعان ول 2004 - جىلدان باستاپ ستۋدياعا وتىرىپتى.

www.24.kz