جاس ايەلدى ۇيالى تەلەفوننىڭ توگى ۇرىپ، كوز جۇمدى
22:00, 10 - اقپان 2015
استانا. قازاقپارات - ماسكەۋدىڭ وڭتۇستىگىندە 24 جاستاعى ايەلدى ەلەكتر توگى ۇرىپ، قايتىس بولدى، دەپ حابارلايدى Bnews.kz.
وقيعا ايەل ۆاننادا شومىلىپ جاتقان ۋاقىتتا بولعان. قۋاتتاعىشقا قوسىلىپ تۇرعان ۇيالى تەلەفون سۋعا ءتۇسىپ كەتىپ، ايەلدى ەلەكتر توگى ۇرعان. وقيعا ورنىنا جەتكەن قۇزىرلى مەكەمەنىڭ وكىلدەرى اڭ-تاڭ كۇيگە ءتۇستى.
«ۇيالى تەلەفوندى قۋاتتاعىشتىڭ رەتتەگىشى بار بولا تۇرا، قالايشا ەلەكتر توگى ۇرعان. مۇنداي جاعدايدى بۇرىن-سوڭدى ەستىگەن جوق ەدىك»، - دەيدى ماماندار.
قازىر بۇل وقيعا بويىنشا تەكسەرۋ جۇمىستارى ءجۇرىپ جاتىر.