عالىمدار جەر يادروسىنىڭ ەكى بولىكتەن تۇراتىنىن انىقتادى
13:06, 10 - اقپان 2015
استانا. قازاقپارات - ا ق ش جانە قىتاي زەرتتەۋشىلەرى Nature Geoscience جۋرنالىندا ءوز جۇمىسىن جاريالادى. وندا ولار جەردىڭ قاتتى تەمىر يادروسى ىشكى جانە سىرتقى - ەكى بولىكتەن تۇرادى دەگەن تۇجىرىم جاسادى.
زەرتتەۋگە سايكەس تۇتاستاي، يادرو تەمىردەن تۇرادى، بۇل رەتتە تابىلعان ەكى بولىكتىڭ ءارتۇرلى كريستالدى قۇرىلىمى مەن ءارتۇرلى فيزيكالىق- حيميالىق قاسيەتى بار. بۇدان بۇرىن قاتتى يادرو قاسيەتى بويىنشا بىرتەكتى دەپ سانالعان.
گەولوگتار سوڭعى ۋاقىتتاعى بارلىق ءىرى جەر سىلكىنىستەرىن زەردەلەپ، وزگەرىستەردى انىقتاپ وتىرعان، بۇل اۋىتقۋشىلىق جەر قىرتىسىنىڭ ءتۇرلى قاباتى ارقىلى ءوتىپ، وزگەرىسكە ۇشىراپ وتىرادى، دەپ حابارلادى BBC.
ماماندار ولاردىڭ جاڭالىقتارى جەردىڭ گەولوگيالىق تاريحىنىڭ كەزەڭدەرىن زەرتتەۋدە تىڭ سەرپىن بەرۋى مۇمكىن ەەكەندىگىن ايتادى.