ءۇندىستاندا جاپونيالىق تۋريستەردى زورلاۋ وقيعاسى جيىلەگەن

استانا. قازاقپارات - جاپونيالىق تۋريست ءۇندىستانعا ساياحاتى كەزىندە دجايپۋرلىق گيدتىڭ زورلىق-زومبىلىق كورسەتكەنىن ايتىپ، شاعىم جاسادى، دەپ حابارلايدى Bnews.kz.

20 جاسار جاپونيالىق قىزدىڭ ايتۋىنشا، جەرگىلىكتى گيد (جول باستاۋشى)   تۋريسكە قالانى اينالدىرامىن دەپ، موتوتسيكلگە وتىرعىزادى.

ءسويتىپ، تۋريستى كولىككە وتىرعىزعان كۇيى قالانىڭ سىرتىنداعى ەلسىز جەرگە الىپ شىعىپ، ويىنا كەلگەنىن جاسايدى.

جەرگىلىكتى پوليتسەيلەردىڭ ايتۋىنشا، سوڭعى ۋاقىتتا مۇنداي وقيعالار قالادا جيىلەپ كەتكەن. قاڭتار ايىندا كالكۋتتالىق 6 ەركەك 22 جاستاعى جاپونيالىق ءتۋريستى 1 اي بويى قاماۋدا ۇستاپ، زورلاپ كەلگەن.

جەرگىلىكتى Hindustan Times گازەتى كۇن سايىن ەلدە 93 ايەل قاراقشىلاردىڭ قۇربانىنا اينالاتىنىن جازادى. جالپى، 2012 - جىلى ەلدە 24923 ايەل زورلىق كورسە، 2013 - جىلى ولاردىڭ سانى 33707 ادامعا جەتكەن.