بۇل تۋرالى قىتاي ازاماتتىق اۆياتسياسىنىڭ سايتى (ccaonline.cn) حابارلادى.
اۋەجايدىڭ العاشقى تەرمينالى تەڭىز جۇلدىزى تۇرىندە سالىنباق. ونىڭ ۇزىندىعى 5 شاقىرىم، اۋدانى 700 مىڭ شارشىمەتر. تەرمينالدا ۇشۋعا شىعاتىن 82 كىرمە ەسىكتەر بولادى.
بەيجىڭنىڭ جاڭا «اۋە قاقپاسىنىڭ» ديزاينىن 2014 - جىلى قاراشادا تەندەردى ۇتىپ العان فرانسۋزدىڭ «ADP Ingenierie» جانە بريتاندىق «Zaha Hadid Studio» ساۋلەتتىك فيرمالارى جاسادى. اۋەجايدى سالۋ 26 - جەلتوقساندا بەيجىڭنىڭ داسين اۋدانىندا باستالدى.
جوبانىڭ قۇنى 79,98 ميلليارد يۋان (13,11 ميلليارد دوللار). اۋەجاي 2019 - جىلى پايدالانۋعا بەرىلمەك. 2020 - جىلعا قاراي ول جىلىنا 72 ميلليون جولاۋشىنى جانە 2 ميلليون توننا جۇكتەردى قابىلداي الادى - بۇل 620 مىڭعا تارتا رەيس دەگەن ءسوز.