قازاقستاندىق وپتيكالىق-ەلەكتروندىق ءونىم تىكۇشاقتاردى جاڭعىرتۋدا پايدالانىلاتىن بولادى - فوتو
بۇل تۋرالى ق ر قورعانىس مينيسترلىگىنىڭ باسپا ءسوز قىزمەتى حابارلادى.
قازاقستان رەسپۋبليكاسى قورعانىس مينيسترلىگىنىڭ دەلەگاتسياسى تىكۇشاق زاۋىتىندا بولدى. قول قويىلعان قورعانىس ونەركاسىبى سالاسىنداعى ىنتىماقتاستىقتى دامىتۋ جونىندەگى جول كارتاسى شەڭبەرىندە جوندەۋ جانە تەحنيكالىق قىزمەت كورسەتۋ جۇمىستارىنىڭ وقشاۋلانۋ دەڭگەيىن ارتتىرۋ جوسپارلانعان. ق ر قورعانىس ۆەدومستۆوسىنىڭ باسشىسى يمانعالي تاسماعامبەتوۆ اتاپ وتكەندەي، «ءبىز تىكۇشاقتاردى جاڭارتۋ كەزىندە «قازاقستان اسەلسان ينجينيرينگ» شىعاراتىن وپتيكالىق-ەلەكتروندىق ءونىم سياقتى قازاقستاندىق ونىمدەردىڭ پايدالانىلۋىنا مۇددەلىمىز».
سونىمەن قاتار، بىلتىرعى جەلتوقسان ايىندا الداعى پەرسپەكتيۆالار تۋرالى ءسوز بولسا، قاڭتار ايىندا قورعانىس ونەركاسىبى سالاسىنداعى ىنتىماقتاستىقتى دامىتۋعا جاڭا مۇمكىندىكتەر بەرەتىن قۇجاتقا قول قويىلدى.
مىسالى، قازاقستاندا اسكەري اۆتوموبيل تەحنيكالارىنا قىزمەت كورسەتۋ نۇكتەلەرىنىڭ جەلىسىن ۇيىمداستىرۋ ارقىلى «كاماز» حولدينگىمەن ءوزارا ءتيىمدى ىنتىماقتاستىق ورناتۋعا بولادى.
بۇل ءۇشىن قازاقستاندىق دەلەگاتسيا مەن «كاماز» ا ق باسشىلىعى باستى جيناۋ كونۆەيەرى مەن كابينالاردى جيناۋ كونۆەيەرىن، «كاماز» عىلىمي-تەحنيكالىق ورتالىعىنداعى اۆتوموبيل تەحنيكاسىنىڭ كورمەسىن ارالاپ كوردى.
يمانعالي تاسماعامبەتوۆ «بۇل جۇمىسقا «كاماز-دىڭ» قازاقستاندا اتتەستاتسيادان وتكەن سەرۆيس ورتالىقتارىن تارتۋىمىز قاجەت»، - دەپ اتاپ ءوتتى.
قازاقستان دەلەگاتسياسى سونداي-اق م. گوركي اتىنداعى كەمە جاساۋ زاۋىتى، ءى ت- پارك جانە «انساتى» ۇشقىشسىز ۇشاتىن اپپاراتىن شىعاراتىن قازان تىكۇشاق زاۋىتى سياقتى باسقا دا كاسىپورىنداردى ارالادى.