اتىراۋدا قازاقستان حالقى اسسامبلەياسىنىڭ ينستيتۋتى اشىلدى - فوتو

اتىراۋ. قازاقپارات - اتىراۋداعى ح. دوسمۇحامبەتوۆ اتىنداعى مەملەكەتتىك ۋنيۆەرسيتەتىنىڭ جانىندا قۇرىلعان ەلىمىزدەگى العاشقى قازاقستان حالقى اسسامبلەياسىنىڭ ينستيتۋتى ءوز جۇمىسىنا كىرىستى.

«ينستيتۋتتىڭ نەگىزگى مىندەتى - ستۋدەنتتىك جاستاردى ەلىمىزدە تۇراتىن بارلىق 140 ۇلتتار مەن ۇلىستار وكىلدەرىنىڭ مادەنيەتى مەن سالت- داستۇرلەرىنە ارالاستىرۋ، توزىمدىلىك، بىرلىك، ۇلىسارالىق جانە كونفەسسياارالىق كەلىسىم يدەيالارىن ناسيحاتتاۋ. ق ح ا جىلى، جەڭىستىڭ 70 جىلدىعى، كونستيتۋتسيانىڭ 20  جىلدىعى، قازاق حاندىعىنىڭ قۇرىلعانىنا 550  جىل - بۇل قازاقستاننىڭ، قازاقستاندىق قوعامنىڭ الەمدىك قاۋىمداستىقتا نىعايۋىنىڭ ەرەكشە كەزەڭى دەپ ويلايمىن» ، - دەيدى ۋنيۆەرسيتەتتىڭ رەكتورى بەيبىت مامرايەۆ.

 ق ح ا ينستيتۋتى تابىستى جۇمىس ىستەپ جۇرگەن رەسەيلىك جانە ازەربايجاندىق عىلىم جانە مادەنيەت ورتالىقتارىنىڭ، الەۋمەتتىك زەرتتەۋلەر زەرتحاناسىنىڭ بازاسىندا اشىلدى.