تۇرىكتەر تاڭعالدىردى

استانا. قازاقپارات - تۇركيا رەسەيلىك تۋريستەر ءۇشىن جول شىعىندارىنىڭ جارتىسىن تولەپ بەرۋگە ءازىر. رەسەي ءرۋبلى كۇرت تومەندەپ كەتكەنننەن كەيىن تۋريستىك جولدامالاردىڭ باعاسى كوتەرىلدى. سونىڭ سالدارىنان تۇركياعا باراتىن تۋريستەردىڭ سانى ازايدى.

ەندى، وسى ەلدە ءجيى دەم الاتىن رەسەيلىك ازاماتتاردى ۇستاپ قالۋ ءۇشىن تۇرىك بيلىگى جول شىعىندارىنىڭ جارتىسىن تولەپ بەرۋگە ءازىر، دەپ حابارلايدى «الاش ايناسى» پورتالى ۆەستي. ru سايتىنا سىلتەمە جاساپ.

وتكەن جىلعى زەرتتەۋلەردىڭ ناتيجەسىنە سايكەس، 2014 - جىلدىڭ شىلدە ايىمەن سالىستىرعاندا، تامىز ايىندا رەسەيدەن تۇركياعا بارىپ، دەم العان تۋريستەردىڭ سانى 6 پايىزعا ازايدى. وسىدان كەيىن تۇرىك بيلىگى داعدارىسقا قارسى شارالاردى قولعا الىپ، رەسەيلىك تۋريستەردى بارىنشا ۇستاپ قالۋ ماسەلەسىن قولعا الدى.

كۇنى كەشە تۇركيا پرەزيدەنتى رەدجەپ تاييپ ەردوعان رەسەي مەن تۇركيا اراسىندا قاتىنايتىن ءاربىر رەيسكە 6000 ا ق ش دوللار بولىنەدى دەپ مالىمدەدى. بۇل تۋرالى تۇركيا رەسپۋبليكاسىنىڭ مادەنيەت جانە تۋريزم مينيسترلىگىنىڭ اقپارات جونىندەگى باس ديرەكتورى يرفان ونال حابارلادى.

ونىڭ ايتۋىنشا، ول اقشا رەيستىڭ وزىنە نەمەسە ءاربىر ۇشاق جولاۋشىسىنىڭ سانىنا قاراي ەسەپتەلىپ، ءبولىنۋى مۇمكىن. جالپى، اتالعان سومما رەيس باعاسىنىڭ 50 پايىزىن قۇراپ وتىر.

ايتا كەتكەن ءجون، بۇعان دەيىن رەسەيلىك تۋريستەردى ۇستاپ قالۋ ءۇشىن مىسىر ەلى دە ءتيىستى شارالاردى قولعا الاتىنىن مالىمدەگەن. ول جەردە رەسەي ازاماتتارى ءۇشىن ۆيزانى الىپ تاستاپ، تۋريزم سالاسىندا رۋبلمەن ەسەپتەسۋگە ءازىر.

 «الاش ايناسى»