بۇگىن ماسكەۋدە ە ا ە و ۇكىمەتارالىق كەڭەسىنىڭ ءبىرىنشى وتىرىسى وتەدى

استانا. قازاقپارات - ەۋرازيالىق ەكونوميكالىق وداق ەلدەرى ۇكىمەتتەرىنىڭ باسشىلارى ينتەگراتسيا، نورماتيۆتىك-قۇقىقتىق بازانىڭ دامۋى جانە توپتامانىڭ قىزمەتى بويىنشا ءبىرقاتار ناقتى جوبالاردىڭ ىسكە اسىرىلۋىن تالقىلايدى.

ەۋرازيالىق ۇكىمەتارالىق كەڭەسىنىڭ ءبىرىنشى وتىرىسى جۇما كۇنى ماسكەۋدە وتەدى، دەپ جازادى ر ي ا نوۆوستي.

شاراعا قازاقستان، رەسەي، بەلارۋس (1- قاڭتاردان باستاپ ءتوراعالىق ەتەتىن ەل)، ارمەنيا جانە قىرعىزستان ەلدەرىنىڭ ۇكىمەت باسشىلارى قاتىسادى.

ە ا ە و- نى قۇرۋ جيىنتىق ج ءى و ت م د جالپى ءونىمىنىڭ 85 پايىزىن قۇراعان بۇرىنعى كەدەندىك وداق ەلدەرىنىڭ قاتىسۋشىلارىن ينتەگراتسيانىڭ ودان دا جوعارى دەڭگەيىنە شىعارادى. وسىلايشا، ت م د كەڭىستىگىندەگى (170 ميلليون ادام) ەكونوميكالىق دامۋدىڭ جاڭا قۋاتتى ورتالىعىنا اينالاتىن ءىرى جالپى نارىقتىڭ قالىپتاسۋى اياقتالادى.

سونداي-اق وتىرىستا قىرعىزستاننىڭ ە ا ە و- قا قوسىلۋى ماسەلەسىنە باسا كوڭىل بولىنەدى.

بۇدان باسقا، ۇكىمەت باسشىلارى ە ا ە و ەلدەرىندەگى سالا كاسىپورىندارىنىڭ اراسىندا ءوزارا ارەكەتتەسۋدىڭ مۇمكىندىكتەرىن كەڭەيتىپ، وداق اۋماعىندا شىعارىلاتىن بىلدەك جاساۋ جابدىقتارىنىڭ يننوۆاتسيالىق قولدانىلۋى ارقىلى ونەركاسىپ وندىرىستەرىنىڭ جاڭعىرتىلۋىنا سەپتىگىن تيگىزەتىن بىلدەك جاساۋ بويىنشا ەۋرازيالىق ينجينيريگتىك ورتالىعىن قۇرۋدىڭ تاجىريبەلىك اسپەكتىلەرىن تالقىلايدى.

وتىرىسقا قاتىسۋشىلاردىڭ سونداي-اق ە ا ە و جەلىسى بويىنشا حالىقارالىق ىنتىماقتاستىقتى، سونىڭ ىشىندە وداقتىڭ نەگىزگى ساۋدا سەرىكتەستەرىمەن بىرگە ساۋدا-ەكونوميكالىق ءوزارا ارەكەتتەستىكتىڭ باسىمدىق باعىتتارىن تالقىلايتىنى كۇتىلۋدە.