كەزدەسۋ وتىرار كىتاپحاناسىندا ءوتتى. تۋعان- تۋىستارى 19 جاستاعى جىگىتتى مايدانعا قالاي شىعارىپ سالعاندارى جايلى ايتتى. سەيدۋالي ابدىشۇكىروۆتىڭ وتباسى ونى 73 جىلدان كەيىن ءبىر-اق تاپقان. ساربازدىڭ سۇيەگىن رەسەيلىك ىزدەۋشىلەر سانكت-پەتەربوردان تاپقان. ونىڭ قارىنداسى سۇيەكتىڭ جانىنان مەدال تابىلعانىن، ول ءبىر جاپىراق قاعازعا ءوزى تۋرالى جازىپ كەتكەنىن ايتتى.
سوعىس جىلدارى كوپتەگەن ساربازدار پاتروننان مەدالوندار جاساپ، مەكەنجايلارى مەن تۋىستارىنىڭ ەسىمدەرىن جازىپ قالدىرعان.
«اعام سوعىسقا كەتكەندە، جارتى جىلعا دەيىن تۇراقتى حات كەلىپ تۇردى. سوسىن توقتاپ قالدى. 45 جىلعا دەيىن كەلەدى دەگەن ۇمىتپەن كۇتتىك. كورۋدى ارمان ەتتىك. ونىڭ سۇيەگىنىنىڭ جانىنان مەدالون تابىلدى، قاعازعا ءوزى جايلى اقپارات جازىپ قالدىرىپتى. سولاي ونى تاۋىپ الدىق»، - دەدى حانىمگۇل ءسادۋاقاسوۆا.
سارباز سۇيەگى قازاقستانعا جەتكىزىلىپ، سوزاق اۋدانىندا جەرلەندى. و ق و قورعانىس ىستەرى دەپارتامەنتىنىڭ قىزمەتكەرلەرى پولشادان بايدىبەك اۋدانىنىڭ تۇرعىنى، ال رەسەيلىك ىزدەۋشىلەر حابار- وشارسىز كەتكەن تاعى 18 ساربازدىڭ سۇيەگىن تاپقان. بارلىعى سوعىس جىلدارى 105 مىڭ وڭتۇستىك قازاقستاندىق قازا تاپقان. ولاردىڭ جارتىسىنا جۋىعى حابارسىز كەتكەن.