قىتايدا زاڭسىز سالىنعان جەراستى باسپانالارى حالىقتىڭ ومىرىنە قاۋىپ توندىرۋدە

استانا. قازاقپارات - بەيجىڭدە جەر استىنان زاڭسىز تۇرعىزىلعان ءبىرتۇتاس ىقشام اۋدان انىقتالىپ، بۇل جاعداي جانجال تۋعىزدى.

ەل استاناسىنىڭ قاق ورتاسىنان 9 كوشەسى بار اۋداننىڭ قالاي پايدا بولعانىنا قالا بيلىگى اڭ- تاڭ بولىپ وتىر. زاڭسىز باسپانالار جالپى اۋدانى 2,5 مىڭ شارشى مەتر جەرگە ورنالاسقان. ال ونداعى ءورت جانە تەحنيكالىق قاۋىپسىزدىك نورمالارى مۇلدە ساقتالماعان.

بەلگىلى بولعانداي، مۇنداي ۇيلەردەگى بولمەلەردى قىتايلىق جۇمىس ميگرانتتارى ايىنا 50 دەن باستاپ، 160 دوللارعا دەيىن جالعا الىپ تۇرادى ەكەن. «ەگەر قالانىڭ جەر استىنداعى زاڭسىز باسپانالار سالىنعان بولىگىندەگى جول مەن بىرنەشە تۇرعىن ءۇي عيماراتى شوگىپ، جەرگە كەتە باستاعانى بايقالماعاندا، بيزنەستىڭ بۇل ءتۇرى تۋرالى ەشكىم دە بىلمەس ەدى»، - دەپ حابارلايدى جەرگىلىكتى باسىلىمدار. قازىر پوليتسيا بۇل قاۋىپتى باسپانالاردى جاۋىپ، ونىڭ ناقتى يەسىن انىقتاۋ ءۇشىن تەرگەۋ جۇرگىزىپ جاتىر.

www.24.kz