«قازىرگى كەزدە بىزگە كورشى مەملەكەتتەردەن ناۋقاستار ءجيى كەلىپ ءجۇر. الىس شەتەلدەن دە ادامدار ءبىر-بىرلەپ كەلە باستادى. اتاپ ايتقاندا، كانادا، ا ق ش، گەرمانيا مەن اۆستراليا ازاماتتارى جۇرەك وتاسىن جاساتتى. مەنىڭشە، قازاقستانداعى كارديوحيرۋرگيانىڭ دەڭگەيى كوتەرىلگەن سايىن شەتەلدەن كەلەتىن ناۋقاستاردىڭ سانى دا ارتا تۇسەدى»، - دەدى ي. پيا بۇگىن ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
ونىڭ ايتۋىنشا، بۇگىندە ورتالىق كەزەگىندە 100 گە جۋىق ناۋقاس تىركەلگەن. ولاردىڭ بارلىعىنا جۇرەك الماستىرۋ وتاسىن جاساۋ قاجەت. «الايدا بىزدە جاساندى جۇرەك تە بار. ءبىز وسى باستامانى دا ءساتتى ىسكە اسىرىپ كەلەمىز»، - دەيدى پيا. دارىگەردىڭ سوزىنە قاراعاندا، قازاقستاندا ءبىر جۇرەك وتاسىنا رەسپۋبليكالىق بيۋجەتتەن 20 مىڭ دوللار بولىنەدى.
وسى سالادا قالىپتاسقان وزەكتى ماسەلەلەردىڭ ءبىرى - دونوردىڭ تاپشىلىعى. اسىرەسە، كىشكەنتاي ناۋقاستارعا جۇرەك تابۋ اسا قيىن.
اۆتور: ارمان اسقار