ءمولدىر مەشىت كوردىڭىز بە - فوتو

استانا. قازاقپارات - ساۋد ارابياسىنىڭ استاناسى ەر-رياد شاھارىندا بۇرىن-سوڭدى بولماعان جاڭا مەشىت بوي كوتەرەتىن بولدى، دەپ حابارلادى www.muslim.kz.

شىنىمەن قاپتالىپ، ساڭىلاۋلى پانەلدەرمەن جابدىقتالعان جاڭا مەشىتتىڭ سىرتقى بەينەسى كۇن ساۋلەسىنىڭ تۇسۋىنە بايلانىستى ءتۇسىن وزگەرتىپ تۇرادى. ىمىرت ءتۇسىپ، ءىڭىر قاراڭعىسى بايلانعان شاقتا قۇلشىلىق ورداسى جەر بەتىنە ىلىنگەن الىپ شامعا ۇقساسا، كۇندىزگى ۋاقىتتا كۇن ساۋلەسى مەشىت ءىشىن ادام ايتقىسىز سۇلۋلىققا بولەيدى.

مەشىت جانىندا ۇزىندىعى 35 مەتر مۇنارا ورنالاسقان. سونداي-اق، قۇلشىلىق ورداسىنىڭ اينالاسىندا تاياز حاۋىز سالىنعان.