ماسكەۋلىكتەر قازاقتار شىعارعان كيىم كيەدى

استانا. قازاقپارات - ماسكەۋدەگى «زولوتوي ۆاۆيلون» اتتى ءىرى ساۋدا-ساتتىق ورتالىعىندا «Glasman» برەندىمەن تانىمال بولعان قازاقستاندىق ءوندىرۋشىنىڭ ەرلەر كيىمىنىڭ بۋتيگى اشىلدى. وتاندىق نارىقتا 15 جىل جۇمىس ىستەيتىن كومپانيا ەندى ءوز ونىمدەرىن رەسەيگە شىعارۋدا.

اتالعان دۇكەندە نەگىزىنەن، ەرلەردىڭ كلاسسيكالىق كيىمدەرىنىڭ جيىنتىعى ۇسىنىلعان. قازاقستاندىق تاۋاردىڭ تاعى ءبىر ارتىقشىلىعى، قولجەتىمدى باعاسى. مىسالى، ماسكەۋلىكتەر بۇل دۇكەننەن  «Made in Kazakhstan»دەگەن بەلگىسى بار ەرلەر كوستيۋمىن 12 مىڭ رۋبلگە ساتىپ الا الادى.

ت. تىلەۋباي

jasqazaq.kz