ۇكىمەتتە ونەركاسىپتىك كاسىپورىنداردى قولداۋ جوسپارىنىڭ ءبىرىنشى كەزەڭى قابىلداندى
«ءبىز قازىر ونەركاسىپتىك كاسىپورىنداردى قولداۋ جوسپارىنىڭ ءبىرىنشى كەزەڭىن قابىلدادىق جانە ۇكىمەتتە جۇمىس ورىندارى مەن وندىرىستەردى ساقتاپ قالۋ ءۇشىن ەلىمىزدىڭ كاسىپورىندارىن، ش و ب- تى قولداۋعا ارنالعان باسقا دا شارالاردى تالقىلاپ جاتىرمىز»، - دەدى مينيستر.
سونىمەن قاتار ول بيىل «نۇرلى جول» جاڭا ەكونوميكالىق ساياساتتى جانە يندۋستريالاندىرۋدىڭ ەكىنشى بەسجىلدىعىن جۇزەگە اسىرۋ باستالعانىن ەسكە سالىپ ءوتتى.
«ەكىنشى بەسجىلدىق اياسىندا ورتا كاسىپورىنداردى قولداۋ بويىنشا جاڭا تەتىك ەنگىزىلۋدە. ول بيزنەس جۇمىسىنىڭ تيىمدىلىگىن ايتارلىقتاي ارتتىرماق. العاشقى قاناتقاقتى كەزەڭ اتالعان باعدارلاما اياسىندا ىسكە اسىرىلادى. ول ءۇش سالانى قامتيدى، 30-40 كومپانياعا قولداۋ كورسەتىلەدى. الداعى ۋاقىتتا بۇل تاجىريبە وزگە دە سالالار مەن كاسىپورىندارعا تارايدى. «بايتەرەك» وسى باعدارلامانىڭ ۇيلەستىرۋشىسى بولادى»، - دەدى ءا. يسەكەشيەۆ.
مۇنىمەن قوسا ۆەدومستۆو باسشىسى ۇكىمەت ەلىمىزدىڭ جاڭا ەكسپورتتىق ستراتەگياسى بويىنشا جۇمىس ىستەپ جاتقاندىعىن، وعان قولداۋ كورسەتۋدىڭ كەيبىر تەتىكتەرى ەنگىزىلگەنىن جەتكىزدى.
بۇدان بۇرىن حابارلانعانداي، «بايتەرەك» حولدينگى قازاقستاندا ورتا بيزنەستى قولداۋدىڭ جاڭا باعدارلاماسىن ازىرلەدى. ونى تابىستى ىسكە اسىرۋ كەزىندە 20-30 باسەكەگە قابىلەتتى وتاندىق كومپانيا پايدا بولادى دەپ كۇتىلۋدە. ءبىرىنشى جىلدا باعدارلاما قاناتقاقتى نەگىزدە جۇمىس ىستەمەك جانە وندا اگروونەركاسىپتىك كەشەن، ماشينا قۇرىلىسى جانە قۇرىلىس ماتەريالدارىنىڭ ءوندىرىسى سەكىلدى ءۇش سالاعا ەكپىن قويىلادى.
اۆتور: رۋسلان عابباسوۆ