استانادا مازاسىز تاكسيستەرگە ايىپپۇل سالىنا باستادى

استانا قالاسىنىڭ تەمىر جول ۆوكزالىنان 42 جاستاعى ايەل پوليتسيانىڭ جەلىلىك بولىمىنە حابارلاستى.

ول ۆوكزال عيماراتىنىڭ كىرەبەرىسىندە تاكسي قىزمەتىن بەيمازا ۇسىناتىن بەلگىسىز ادامدارعا قاتىستى شارا قولدانۋدى سۇرادى.

جەدەل-ىزدەستىرۋ شاراسى بارىسىندا استانا مەن اقمولا وبلىسىنىڭ 1955, 1973, 1985, 1990 - جىلى تۋىلعان تۇرعىندارى ۇستالدى.

كولىك پوليتسەيلەرى اكىمشىلىك قۇقىق بۇزۋشىلىق تۋرالى كودەكستىڭ 449-بابى 1-ءبولىمى - ازاماتتارعا جەكە تاسىمالداۋ قىزمەتىن بەيمازا ۇسىنۋ بويىنشا اكىمشىلىك حاتتامالار تولتىردى.

بۇل دەرەكتەر تۋرالى قالالىق ءى ءى د اكىمشىلىك پوليتسيا باسقارماسىنىڭ باسشىسى نۇرلان سادىقوۆتىڭ تۇسىنىك بەردى، ونىڭ ايتۋىنشا، تاكسي جۇرگىزۋشىلەرىنىڭ بەيمازا قىلىعى قايىر سۇراۋمەن بىردەي، ال مۇنداي ارەكەت ءۇشىن زاڭ بويىنشا 5 ايلىق ەسەپتىك كورسەتكىش (9910 تەڭگە) كولەمىندە ايىپپۇل سالىنادى.

ەگەر ءبىر جىلدىڭ ىشىندە قايتالاناتىن بولسا 10 ايلىق ەسەپتىك كورسەتكىش (19820 تەڭگە) كولەمىندە ايىپپۇل تاعايىندالادى نەمەسە بەس كۇنگە دەيىن اكىمشىلىك قاماۋعا الىنادى. ەگەر مۇنداي قۇقىق بۇزۋشىلىقتى شەتەل ازاماتتارى جاسايتىن بولسا، ولار بەس كۇنگە دەيىن اكىمشىلىك قاماۋعا الىنىپ، ەلدەن قۋىلادى.

ەسكە سالا كەتەيىك، بۇعان دەيىن ءى ءى م اكىمشىلىك پوليتسيا كوميتەتىنىڭ ءتوراعاسى يگور لەپەحا بەيمازا ارەكەتتى دالەلدەۋدىڭ وڭاي ەكەنىن ايتقان بولاتىن. «اكىمشىلىك كودەكستىڭ مۇنداي ارەكەتتەردى دالەلدەۋگە قاتىستى تارتىپتەرى وتە قاراپايىم. بار بولعانى وقيعانى تەلەفونعا ءتۇسىرىپ، اقپاراتتى بىزگە جەتكىزۋ كەرەك. بۇل ءبىز ءۇشىن جەتكىلىكتى»، - دەدى لەپەحا.