ۆلاديمير پۋتين مەركەلمەن جانە وللاندپەن تەلەفون ارقىلى سويلەستى
مەملەكەت باسشىلارى ۋكراينانىڭ وڭتۇستىك-شىعىسىندا كۇرت ۋشىعىپ كەتكەن احۋالدى تالقىلاۋدى جالعاستىردى. «مينسكىدە بايلانىس توبىنىڭ كەزەكتى وتىرىسىن وتكىزۋگە بايلانىستى وندا اتىستى جىلدام توقتاتۋ جانە اۋىر قارۋ-جاراقتى الىپ كەتۋ ماسەلەسى كۇن تارتىبىنەن ورتالىق ورىن الاتىنىنا ءۇمىت ءبىلدىرىلدى»، - دەلىنگەن حابارلامادا.
بۇعان دەيىن ۋكراينا پرەزيدەنتى پەتر پوروشەنكونىڭ ۆلاديمير پۋتيننەن مينسك ۋاعدالاستىقتارىنىڭ ورىندالۋىن تالاپ ەتكەنى حابارلانعان ەدى. پوروشەنكو اتىستى توقتاتۋدى عانا ەمەس، سونىمەن بىرگە جانجال ايماعىنداعى رەسەي جۋرناليستەرىنىڭ ولىمىنە كۇدىكتى رەتىندە قاماۋعا الىنعان ۋكراينا ازاماتتارىن، سونىڭ ىشىندە ۇشقىش نادەجدا ساۆچەنكونى بوساتۋدى دا تالاپ ەتتى.
ەسكە سالا كەتەيىك، ۋكراينانىڭ وڭتۇستىك-شىعىسىنداعى احۋال 24- قاڭتاردان بەرى تاعى ۋشىعا باستادى. ماريۋپول قالاسىنا وق جاۋدىرۋدىڭ سالدارىنان العاشقىدا 30 ادام قازا تاۋىپ، تاعى ونداعان ادام جاراقات الدى. كەيىن دونەتسك پەن ماريۋپولدە قازا تاپقاندار سانىنىڭ 50 ادامنان اسقانى حابارلاندى. ەلدىڭ وڭتۇستىك-شىعىسىندا توتەنشە جاعداي رەجيمى ەنگىزىلدى.