قىتايدا ەكىنشى ۇشاق تاسىعىش كەمەنىڭ قۇرىلىسى باستالدى
ماقالا «چانچجوۋدىڭ كەشكى جاڭالىقتارى» سايتىنا كوشىرىلىپ باسىلعان، ءبىراق ءبىرشاما ۋاقىتتان كەيىن ەكى جاريالانىم دا الىنىپ تاستالدى.
«بۇل قىتايدىڭ ءوزىنىڭ ەكىنشى ۇشاق تاسىعىش كەمەسىن سالا باستاعانى تۋرالى راستايتىن ءبىرىنشى اقپارات. «Shangshang Cable Group» كومپانياسى سىمدار مەن كابەلدەردى وندىرۋدەن قىتايدا 1- ءشى، الەمدە 10-شى ورىن الادى، ول «لياونين» كەمەسىنىڭ قۇرىلىسىنا قاتىسقان»، - دەپ جازادى باسىلىم.
اسكەري تەڭىز ساراپشىسى لي جيەنىڭ ايتۋىنشا، «ايماقتىق دەرجاۆانىڭ اۋە مەن تەڭىز ءۇستىن باقىلاپ وتىرۋى ءۇشىن ءۇش، ايتپەسە كەم دەگەندە ەكى ۇشاق تاسىعىش كەمەسى بولۋى كەرەك».
باسقا اسكەري ساراپشى جابدىقتاردى جەتكىزۋ تەندەرىنىڭ وتكىزىلگەنىن ەسەپكە الا وتىرىپ، جاڭا ۇشاق تاسىعىش كەمەنىڭ سىزبانۇسقاسى جاسالعانىنا سەنىمدى ەكەنىن ءبىلدىردى.
ەستەرىڭىزگە سالا كەتەيىك، 2012-جىلى قىتايدا كەڭەستىك «ۆارياگ» ۇشاق تاسىعىشىن جاڭعىرتۋ جولىمەن «لياونين» اتتى ءبىرىنشى ۇشاق تاسىعىش كەمەسى پايدالانىلا باستادى. قىتايلىق تاراپ ونى 2008-جىلى ۋكراينادان ساتىپ العان.