قىتاي مەن قازاقستان قاراعاندىدا كەشەندى قورىتپا زاۋىتى قۇرىلىسىن جۇرگىزۋگە كەلىستى
دەپ حابارلادى قاراعاندى وبلىسى اكىمىنىڭ باسپاءسوز قىزمەتى.
وڭىر باسشىسى باسپاءسوز قىزمەتىنىڭ حابارلاماسىنا قاراعاندا، كەشە، 31 - قاڭتاردا ايماق بيزنەسى پەن ق ح ر وكىلدەرىنىڭ كەزدەسۋى وتكەن. كەڭەستە «سارى ارقا» ە ە ا اۋماعىندا «قاراعاندى كەشەندى قورىتپا زاۋىتىنىڭ قۇرىلىسى» جوباسىن جۇزەگە اسىرۋ ماسەلەسى قارالدى.
«بۇل جوبا ايماق ءۇشىن اسا ماڭىزدى. فەرروسيليكواليۋميني قورىتپاسىن شىعاراتىن زاۋىت قۇرىلىسى يننوۆاسيالىق تەحنولوگيانى قولدانۋ ارقىلى سالىنادى.
جوبانى جۇزەگە اسىرۋ ءبىزدىڭ وڭىرگە 82،5 ميلليارد تەڭگە ينۆەستيسيا تارتىپ، شامامەن 3 مىڭ جۇمىس ورنىن قۇرۋعا مۇمكىندىك بەرەدى»،-دەدى قاراعاندى وبلىسىنىڭ اكىمى نۇرمۇحامبەت ابدىبەكوۆ.
«Sinosteel» كومپانياسى قىتاي حالىق رەسپۋبليكاسىنىڭ مەملەكەتتىك كاسىپورنى. مەتاللۋرگيالىق پەشتەردى جانە وعان سەرۆيستىك قىزمەت كورسەتەتىن ورتالىقتار بويىنشا تاجىريبەسى مول. كومپانيا قۇرىلعالى بەرى قىتاي مەن مالايزيا كاسىپورىندارىندا جۇمىس ىستەپ جاتقان قۋاتتىلىعى 9 دان 80 م ۆ ت ارالىعىنداعى 300 پەشتى سالعان.