پرانكەرلەر الەۋمەتتىك ەكسپەريمەنتتە سومكە توناعان كەزدە ادامداردىڭ قانداي ءىس-ارەكەت جاسايتىنىن انىقتاعىسى كەلگەنىن ءتۇسىندىردى. ەكسپەريمەنت قالا كوشەلەرىندە جاسالدى. جاياۋ جۇرگىنشى جولىندا كەتىپ بارا جاتقان قىزدىڭ سومكەسىن بەلگىسىز بىرەۋ جۇگىرىپ كەلىپ، الىپ قاشادى.
پرانكەرلەر قورىتىندى جاساپ، ناتيجەگە كوڭىلدەرى تولماعانىن ايتادى. «ادامداردىڭ 70 پايىزىنان استامى دىم بولماعانداي كەتە بەردى، كەيبىرەۋلەر شەتكە كەتىپ قالىپ جاتتى، ال بىرەۋلەرى بولىپ جاتقان جاعدايدى كورمەگەندەي بولدى. ءبىراق ءبىز كەيبىر ادامداردىڭ كومەككە كەلىپ، نيەت كورسەتكەنىن باقىلادىق»، - دەدى ولار.
بۇعان دەيىن قازاقستاندىق پرانكەرلەر ءتۇسىپ قالعان ءاميان تۋرالى ەكسپەريمەنت جاساپ، ادامداردىڭ 100 پايىزى كومەككە دايىن ەكەنىن انىقتاعان ەدى.