قازاقستاندا ءتورتىنشى مۇناي وڭدەۋ زاۋىتىن قىتاي كومپانيالارى سالۋى مۇمكىن
بۇل تۋرالى ينۆەستيتسيالار جانە دامۋ ءمينيسترى اسەت يسەكەشوۆ مالىمدەدى.
زاۋىت سالۋعا لايىقتى ايماقتار رەتىندە ءۇش وبلىس ۇسىنىلعان. ءبىراق ەڭ قولايلىسى - ماڭعىستاۋ وبلىسى دەگەن پىكىر باسىم. مۇنان بولەك، قىتاي تاراپى مىس قورىتۋ زاۋىتىنىڭ قۇرىلىسىن دا قولعا الۋى مۇمكىن. ناقتى شەشىم جاقىن ارادا بەلگىلى بولادى.
اسەت يسەكەشيەۆ، ق ر ينۆەستيتسيالار جانە دامۋ ءمينيسترى:
قوسىمشا تاعى 30 شاقتى جوبانى تالقىلادىق. ونىڭ ىشىندە مىس قورىتۋ زاۋىتى مەن مۇناي وڭدەۋ زاۋىتتارىنىڭ قۇرىلىسى بار. ازىرشە كەڭەسىپ جاتىرمىز. ناقتى شەشىمگە كەلەسى اپتادا كەلەتىن شىعارمىز. ءالى اقىلداسامىز.
فورۋم اياسىندا ينۆەستورلار قازاقستانمەن ارادا ۆيزاسىز بارىس- كەلىس ورناتۋدى سۇرادى. بۇل ماسەلەنى قىتاي ءتۇستى مەتاللدار كومپانياسىنىڭ ۆيسە- پرەزيدەنتى سين ماندزيۋن كوتەردى. ايتۋىنشا، ۆيزا راسىمدەۋدەگى قيىندىقتار - ءىرى جوبالاردى ۋاقىتىلى ىسكە اسىرۋعا كەدەرگى. بۇعان قوسا قىتايلىقتار جەرگىلىكتى ينجەنەر مامانداردىڭ جۇمىسىنا كوڭىلى تولمايتىنىن جەتكىزدى. اتالمىش كومپانيا قازاقستاندا ميللياردتاعان دوللار تۇراتىن ءىرى جوبالاردى ىسكە اسىرعان. سونىڭ ءبىرى - پاۆلودار وبلىسىنداعى اليۋمينيي كومبيناتى قۇرىلىسى. قازىر مۇناي وڭدەۋ زاۋىتىمەن بىرلەسكەن جوبانى ىسكە اسىرۋدا. بارشاكولدە مىس وڭدەۋ زاۋىتى قۇرىلىسى دا قولعا الىنعان. تاپ وسى قىتايلىق كومپانيا بولاشاقتا كەن ورىندارىن بارلاۋعا دا قىزىعۋشىلىق تانىتىپ وتىر.
سين ماندزيۋن، قىتاي ءتۇستى مەتاللدار كومپانياسىنىڭ ۆيسە- پرەزيدەنتى:
ينۆەستيتسيالىق جوبالار شەڭبەرىندە 30 جەتەكشى كاسىپورىن وكىلدەرىنە «جاسىل ءدالىز» اشۋدى ۇسىنامىن. بۇل بارىس- كەلىستى جەڭىلدەتىپ، ءىرى جوبالاردى ۋاقىتىلى ىسكە اسىرۋعا سەپ بولادى دەپ ويلايمىز.
«استانا» تەلەارناسى