قازاقتار موڭعوليانى مويىنداتتى

استانا. قازاقپارات - تاياۋدا رەداكسيامىزعا موڭعوليادا تۋىپ-وسكەن قانداسىمىز، سول ەلدە ەڭبەك ەتىپ جاتقان بىلىكتى باپكەر قاينار قايساناي حابارلاسىپ، ءبىزدى قۋانىشتى جاڭالىقتان قۇلاعدار ەتتى.

جۋىردا ۇلان-باتىردا بوكستان موڭعوليا چەمپيوناتى ءوز مارەسىنە جەتكەن ەكەن.

 سول جارىستا قاينار باۋىرىمىز باپتاعان قازاق جىگىتتەرى 1 التىن جانە 4 قولا مەدالعا قول جەتكىزدى. 91 كەلى سالماقتا كۇش سىناسقان ەربولات تولەك بارلىق قارسىلاستارىن بەت قاراتپاي ۇتىپ، باس جۇلدەنى ولجالادى.

جالپى، ايتۋلى قانداسىمىزدىڭ مايتالمان مامانداردىڭ نازارىنا ىلىككەنىنە بىرەر جىلدىڭ ءجۇزى بولدى. 2011 -  2013 جانە 2014 - جىلدارى ول ەل بىرىنشىلىگىندە ءۇش مارتە اقتىق سىنعا دەيىن القىنباي جەتىپ، كۇمىس مەدالدى موينىنا ءىلدى. ءبىرقاتار حالىقارالىق جارىستاردا جۇلدە الدى.

ال بيىل فينالدا وتگونبايار سىندى ساقا سپورتشىعا سان سوقتىرىپ، جەڭىس تۇعىرىنىڭ ەڭ بيىك ساتىسىنا كوتەرىلدى. ەندى ەربولات ءۇشىن بيىلعى الەم چەمپيوناتى مەن 2016 - جىلعى وليمپيادا ويىندارىندا موڭعوليانىڭ نامىسىن قورعاۋ ءۇشىن تاماشا مۇمكىندىك تۋىنداپ وتىر.

جارتىلاي فينالدا جەڭىلگەن تاعى ءتورت قانداسىمىز قولا جۇلدەگەر اتاندى. ولار - جولداسبەك تاعتىيانال (49 كەلى)، نۇرلان اسقار ۇلى (52 كەلى)، ەركىن جامانتاي ۇلى (60 كەلى) جانە بەكنۇر قالي ۇلى (81 كەلى).

عالىم سۇلەيمەن

«ايقىن»