قۇلىبايەۆ ساياسي امبيتسياسىنىڭ جوق ەكەنىن مويىندادى
جۋرناليستەر قۇلىبايەۆتان ۇلتتىق كاسىپكەرلەر پالاتاسىنا «اتامەكەن» اتاۋى بەرىلگەن سوڭ، ونىڭ ساياسي پارتياعا اينالۋ مۇمكىندىگىن سۇراعان بولاتىن.
«مەنىڭ ەشقانداي دا ساياسي امبيتسيام جوق، بۇنى شىن كوڭىلدەن ايتىپ وتىرمىن. سونداي-اق ەشقانداي پارتيا قاتارىندا تىركەلمەگەنمىن. مەنىڭ ساياساتىم - بيزنەستى قولداۋ. بۇل مەملەكەتىمىزدىڭ كوركەيۋى مەن جاندانىپ دامۋىنداعى مەنىڭ باستى ۇستانىمدارىنىڭ ءبىرى»، - دەدى ول ب ا ق وكىلدەرىمەن كەزدەسۋ بارىسىندا.
سونىمەن قاتار ءتوراعا گۇلدەنگەن قازاقستاندا ءومىر سۇرگىسى كەلەتىنىن ايتتى.
«بيزنەس ورتانى جاقسارتۋدان باسقا مەنىڭ ماقساتىم جوق. مەملەكەتىمىز قازاقستاندىقتار ءۇشىن جايلى جانە شەتەلدەن كەلەتىن قوناقتار ءۇشىن اسەم بولعانىن، ءوز بالالارىمنىڭ دا وسىندا تۇرعانىن قالايمىن. ارينە ۋاقىتشا قيىندىقتار بار، ءبىراق ولاردىڭ بارلىعى وتپەلى. الدىمىزعا دۇرىس ماقساتتار قويا ءبىلۋىمىز قاجەت. سوندا عانا ساپالى ناتيجەلەرگە قول جەتكىزە الامىز»، - دەپ اتاپ ءوتتى قۇلىبايەۆ.
nur.kz