قازاقستان ءوز ينفراقۇرىلىمىن دامىتۋعا بار كۇش-جىگەرىن سالۋدا - قىتاي ەكونوميسى ياۋ جينيۋان
بۇل تۋرالى بۇكىل قىتايلىق جۋرناليستەر قاۋىمداستىعىنىڭ باسپا ءسوز ورتالىعىندا وتكەن بريفينگ بارىسىندا قىتايدىڭ جەتەكشى ەكونوميستەرىنىڭ ءبىرى، ق ح ر مەملەكەتتىك كەڭەسى كەڭەسشىلەر بيۋروسىنىڭ اعا عىلىمي قىزمەتكەرى ياۋ جينيۋان ءمالىم ەتتى.
«قىتايدىڭ «ءبىر بەلدەۋ - ءبىر جول» جوباسىن جۇزەگە اسىرۋ باستاماسى قىتاي ەكونوميكاسىمەن قاتار بارلىق الەم ءۇشىن ستراتەگيالىق ماڭىزعا يە. بۇل جوبانى جۇزەگە اسىرۋدا اتالعان جولدىڭ بويىندا ورنالاسقان قازاقستاننىڭ ورنى بولەك»، - دەدى ول «قازاقپارات» ءتىلشىسىنىڭ ساۋالىنا جاۋاپ بەرۋ بارىسىندا.
قىتايلىق ساراپشى قوس ەل اراسىنداعى ۇكىمەتارالىق ىنتىماقتاستىق پەن دوستىقتىڭ تابىستى ەكەنىن اتاپ ءوتتى.
«مەنىڭ بىلۋىمشە، ءبىرقاتار قىتايلىق كومپانيالار قازاقستاندىق ەكونوميكاعا ينۆەستيتسيا قۇيىپ، ونىڭ دامۋىنا ءوز ۇلەسىن قوسۋدا. ناتيجەسىندە قوسىمشا جۇمىس ورىندارى اشىلۋدا»، - دەپ اتاپ ءوتتى ول.
ياۋ جينيۋان پىكىرىنشە، قازاقستان ءوز ينفراقۇرىلىمىن دامىتۋ باعىتىندا كوپ جۇمىس جاساۋدا - تەمىر جول، جوعارى جىلدامدىقپەن جۇرۋگە بولاتىن جولدار سالىپ جاتىر جانە ت. ب.
«مەن «ءبىر بەلدەۋ - ءبىر جول» جوباسى اياسىندا قازاقستان، قىتاي جانە باسقا دا ەلدەر بىرلەسىپ ينفراقۇرىلىمدىق قۇرىلىستى ءارى قاراي دامىتۋى ءتيىس دەپ سانايمىن. بۇل سالانىڭ الەۋەتى زور»، - دەدى ول.
ەسكە سالا كەتەيىك، 2013 - جىلدىڭ كۇزىندە قازاقستان مەن يندونەزياعا بارعان ساپارىندا ق ح ر ءتوراعاسى شي جينپين بىرلەسىپ «جىبەك جولى ەكونوميكالىق بەلدەۋىن» (شيان - ءۇرىمجى - ورتالىق ازيا - تاياۋ شىعىس جانە ەۋروپا) جانە « ХХІ عاسىرداعى تەڭىزدەگى جىبەك جولىن» (قىتايدىڭ وڭتۇستىك- شىعىس پروۆينسيالارى - مالاكك بۇعازى، افريكالىق جۇپ - قىزىل تەڭىز بەن جەرورتا تەڭىزى) قۇرۋ باستاماسىن كوتەرگەن.
وتكەن جىلدار ىشىندە بۇل باستامالار قىتاي ەكونوميكاسى ءۇشىن ءوزىنىڭ يگى جەمىستەرىن بەردى.