بۇگىن ءماجىلىستىڭ جالپى وتىرىسىندا دەپۋتات الماس تۇرتايەۆ وسى ماسەلەنى كوتەردى.
«قازپوشتانىڭ» تيىمدىلىگى مەن تازا تابىسى سوڭعى ءۇش جىلدا قاتارىنان وسكەنىنە قاراماستان، ونىڭ باسشىلىعى جۇمسالعان شىعىننىڭ اقتالمايتىنىن ۇنەمى ايتىپ، سۋبسيدياعا سۇيەنگەندى ءجون سانايدى.
پوشتانىڭ اۋىلدىق بولىمشەلەرىنىڭ سانى دا ەداۋىر قىسقارىپ كەتتى. 2014 - جىلدىڭ 1 - اقپاننان باستاپ، «قازپوشتا» قىزمەت اقىسىن دا كوتەردى»، - دەيدى ا. تۇرتايەۆ.
سونىمەن قاتار، دەپۋتات پوشتالىق قىزمەتتىڭ اقىسى كوتەرىلگەندىكتەن كەيبىر باسىلىمدار جازىلىمنان قاعىلىپ، ءتىپتى باسپادان باس تارتىپ، ونلاين-رەجىمگە كوشىپ جاتقانىن دا العا تارتادى.
سونىمەن قاتار، قىزمەت اقىنىڭ مولشەرى ارتقانىمەن، كورسەتىلەتىن قىزمەت ساپاسى جاقسارماعان.
«پوشتا ارقىلى جىبەرىلەتىن زاتتاردىڭ جوعالۋ فاكتىلەرى دە ورىن الىپ ءجۇر.
ماسەلەن، 2014 - جىلدىڭ جەلتوقسانىندا ورال قالاسىندا «قازپوشتانىڭ» 9 قىزمەتكەرى مۇگەدەك بالالاردىڭ شوتىنان اقشا جىمقىرعانى انىقتالسا، 2015 - جىلدىڭ قاڭتارىندا اقتاۋ قالاسىندا پوشتا قىزمەتكەرلەرى سالەمدەمەلەردى اقتارىپ، وزدەرىنە ۇناعان زاتتاردى الىپ وتىرعانى ءۇشىن ۇستالدى. قازىرگى كۇنى پوشتا ارقىلى جىبەرىلەتىن سالەمدەمەلەردى حالىق ءتۇرلى جولدارمەن جىبەرەدى، پويىز جولسەرىكتەرىنە، ۇشاق ەكيپاجدارى قىزمەتكەرلەرىنە جۇگىنەدى. ياعني، قازاقستاندىق پوشتا جۇمىسىنا ازاماتتار سەنىمسىزدىكپەن قارايتىندىقتان پوشتالىق قىزمەتتە شەتەلدىك كۋرەرلىك قىزمەتتەر پايدا بولدى، ولار تابىستى جۇمىس ىستەپ، سالەمدەمەنى ۋاقىتىلى جەتكىزەدى»، - دەدى ا. تۇرتايەۆ.
اۆتور: قانات مامەتقازى ۇلى