«جالپى ءوزىمنىڭ تاجىريبەمە سۇيەنەتىن بولسام، وقۋ مەن وندىرىستىك تاجىريبەنى قاتار الىپ ءجۇرۋ كەرەك. اتاپ ايتقاندا، اۋىل شارۋاشىلىعى سالاسىنداعى جوعارى وقۋ ورىندارىمىز بار. سولاردىڭ بارلىعى جاستاردى تاجىريبەگە ءجيى اپارىپ، بىلىكتى مامانداردىڭ جانىندا ۇستاپ، ولاردىڭ جۇمىس ۇدەرىسىنەن ءتالىم الۋلارى قاجەت. ماسەلەن، مەن بايقاعان وقۋدى بىتىرگەن كەيبىر جاس ماماندار ەگىستەردەگى جاعدايدى نەمەسە اۋىل شارۋاشىلىعى ونىمدەرىن وڭدەۋ سالاسىنىڭ ءمان- جايىن تەرەڭ بىلمەيدى»، - دەدى اۋىل شارۋاشىلىعى سالاسىنىڭ ارداگەرى «قازاقپارات» تىلشىسىنە بەرگەن سۇحباتىندا.
ونىڭ پىكىرىنە قاراعاندا، بولاشاق مامانداردىڭ ءبىلىمىن جەتىلدىرۋ ۇدەرىسىنە، ولاردىڭ ءونىم وڭدەۋ باعىتىنداعى وندىرىستەردەگى تاجىريبەسىنە اۋىل شارۋاشىلىعى مينيسترلىگى دە ارالاسۋى ءتيىس.
«بۇگىندە قازاقستاندا ەت پەن ءسۇت ءوندىرىسى كاسىپورىندارى ارتىپ كەلەدى. بۇل، بىرىنشىدەن، ەلىمىزدى ىشكى ونىممەن قامتاماسىز ەتۋمەن قاتار، ەكسپورتتىق الەۋەتتى دامىتۋدا ماڭىزدى. ال بۇل كاسىپورىندارعا بىلىكتى ماماندار وتە قاجەت. سوندىقتان ستۋدەنتتەردىڭ وقۋى مەن تاجىريبەسىن ساباقتاستىرۋعا ايرىقشا ءمان بەرۋ كەرەك» ، - دەيدى ءمينيستردىڭ كەڭەسشىسى.
امانگەلدى ارشاباي ۇلى مومىشيەۆ 1943 - جىلى دۇنيەگە كەلگەن. ەت- ءسۇت ونەركاسىبى ينجەنەر- تەحنولوگى. م. ح. دۋلاتي اتىنداعى تاراز مەملەكەتتىك ۋنيۆەرسيتەتىنىڭ قۇرمەتتى پروفەسسورى. ق ر ينجەنەرلىك اكادەمياسىنىڭ مۇشە- كوررەسپوندەنتى. «نۇر وتان» ح د پ جامبىل وبلىستىق بولىمشەسى ءتوراعاسىنىڭ ورىنباسارى. 2007 - جىلدان ق ر پارلامەنتى ءماجىلىسى 4- شاقىرىلىمىنىڭ دەپۋتاتى بولدى. «قۇرمەت» ، «پاراسات» وردەندەرىمەن «اۋىل شارۋاشىلىعى سالاسىنىڭ ۇزدىگى» توسبەلگىسىمەن ماراپاتتالعان. اۋىل شارۋاشىلىعى ارداگەرلەرى كەڭەسىنىڭ مۇشەسى.
اۆتور: رۋسلان عابباسوۆ