گەننادي گولوۆكين تۋرالى بەينەبايان ءتۇسىرىلدى - كەسكىن

ءاننىڭ اۆتورلارى الىبەك امان مەن جەكا dawinchi ءاننىڭ اتىن «گەنا كورول» دەپ قويعان. ۆيدەودا گولوۆكيننىڭ جۇدىرىقتاسۋ ساتتەرى كورسەتىلەدى.

ەسكە سالا كەتەيىك، امەريكالىق رەپەر ماريو رۋيز WBA (Super) ، IBO جانە WBC Interim ۆەرسيالارى بويىنشا ورتا سالماقتا الەم چەمپيونى گەنناديي گولوۆكينگە Mexican Style جاڭا ءانىن ارناعان ەدى. Mexican Style ءانى قازاقستاندىقتىڭ مەكسيكالىق ماركو انتونيو رۋبيومەن كەزدەسكەن ا ق ش- تا كۇنى، ياعني وتكەن جىلدىڭ 18 - قازانىندا شىققان ەدى. كەزدەسۋ قازاقستاندىق بوكسشىنىڭ جەڭىسىمەن اياقتالدى.

بۇعان دەيىن گەننادي گولوۆكين ەلىمىزدە «ۇزدىك سپورتشى-2014» اتاندى. 2014 - جىلى رەسمي تۇردە حالىقارالىق جارىستاردا ەڭ جوعارعى ناتيجەلەرگە قول جەتكىزگەن سپورتشىلارعا داۋىس بەرۋدى ق ر مادەنيەت جانە سپورت ءمينيسترى وتكىزدى.

ونىڭ ناتيجەسىندە گەننادي گولوۆكين 1861 ۇپاي نەمەسە بارلىق داۋىس بەرگەندەردىڭ 44,90 پايىز داۋىسىن جينادى. ەكىنشى ورىندى 2014 - جىلعى قىسقى وليمپيادا ويىندارىنىڭ قولا جۇلدەگەرى دەنيس تەن الدى (1339 نەمەسە 32,30 پايىز).

ايتا كەتەيىك، گەننادي گولوۆكين وسى جىلى 21 - اقپاندا موناكودا اعىلشىن بوكسشىسى مارتين ميۋررەيگە قارسى جەكپە-جەك وتكىزەدى.



tengrinews.kz