وسى بايقاۋعا قاتىساتىنداردىڭ ءبىرى، 68665 اسكەري ءبولىمىنىڭ ازىق-تۇلىك قويماسىن قامتاماسىز ەتۋ باتالونىنىڭ باستىعى - شارا قۇسايىنوۆا. ونىڭ اسكەري سالادا قىزمەت ەتىپ جۇرگەنىنە 10 جىلدان استى. شارانىڭ جارى دا اسكەري سالانىڭ ادامى. كەيىپكەرىمىزدىڭ ايتۋىنشا، وسى ۋاقىت ارالىعىندا قازاقستاننىڭ بارلىق ءوڭىرىن جۇمىس ساپارىمەن ارالاپتى.
- اسكەري قىزمەت ماعان ۇنايدى، بارلىق جاعداي قاراستىرىلعان. اسكەردە ايەلدەرگە قويىلاتىن تالاپ ەرلەردىكىمەن بىردەي. كۇندە ەرتە ساعات 4:30 دا تۇرامىز. ءبىراق ەر-ازاماتتار قاجەت كەزدە كومەكتەسەدى، - دەيدى ش. قۇسايىنوۆا.
- بۇرىن مۇنداي ەشقانداي بايقاۋعا قاتىسىپ كورگەن ەمەسپىن. بۇل جولى تاۋەكەلگە بەل بۋىپ، ءوزىمدى سىناپ كورەيىن دەپ شەشتىم. ارينە، قاتىسقان سوڭ جەڭىسكە جەتكىم كەلەدى. ەگەر مەن جەڭىلسەم دە، كوڭىل كۇيىمدى دە تۇسىرمەيمىن. باستىسى قاتىسۋ دەيدى - ول.
ايتا كەتەيىك، «باتىر ارۋلار» بايقاۋىنا قازاقستاننىڭ قارۋلى كۇشتەرى سالاسىندا قىزمەت ەتىپ جۇرگەن جانە وتستاۆكاداعى قىز-كەلىنشىكتەردىڭ بارلىعى دا قاتىسا الادى. جاسىنا، ەڭبەك تاجىريبەسىنە ەشقانداي شەكتەۋ قويىلمايدى. باستى تالاپ قاتىسۋعا ءوتىنىش بەرگەن كەزدە بارلىق سۇراققا دۇرىستاپ جاۋاپ جازۋ.
بايقاۋ جەڭىمپازى قورعانىس مينيسترلىگىنىڭ رەسمي سايتىندا داۋىس بەرۋ ارقىلى انىقتالادى. سونداي-اق تاعى ءبىر رەسپۋبليكالىق تانىمال سايتتا جۇرگىزىلەدى.
بايقاۋ قورىتىندىسى بويىنشا حالىقتىڭ كوپ داۋىسىنا يە بولعان اسكەري سالادا قىزمەت ەتىپ جۇرگەن 12 ايەل 2016-جىلدىڭ مامانداندىرىلعان كۇنتىزبەسىندە «باتىر ارۋلار» دەگەن اتپەن تۇراتىن بولادى.
Baq.kz