قازاقستان، رەسەي، بەلارۋس جانە قىرعىزستان ەلشىلەرى تۇركيالىق ب ا ق وكىلدەرىنىڭ ەۋرازيالىق ەكونوميكالىق وداققا قاتىستى ساۋالدارىنا جاۋاپ بەردى
ءىس-شارا 2015 - جىلى 1 - قاڭتاردان باستاپ ىسكە قوسىلعان ەۋرازيالىق ەكونوميكالىق وداققا (ە ا ە و) ارنالدى، دەپ حابارلايدى ق ر س ءى م باسپا ءسوز قىزمەتىنەن.
جيىن بارىسىندا سپيكەرلەر ەاەو قۇرىلۋ ماقساتتارىنا، اتاپ ايتقاندا وداق مۇشە مەملەكەتتەرى حالىقتارىنىڭ ءومىر ءسۇرۋ دەڭگەيىن كوتەرۋدى كوزدەيتىن ەل ەكونوميكالارىنىڭ تۇراقتى دامۋىنا باعىتتالعان جاعداي جاساۋىنا، «ءتورت ەركىندىكتى» - تاۋارلاردىڭ، قىزمەتتەردىڭ، كاپيتالدىڭ جانە ەڭبەك رەسۋرستارىنىڭ وداق ىشىندە ەركىن اينالىمىنا، عالامدىق ەكونوميكا جاعدايىندا ۇلتتىق ەكونوميكالاردىڭ كووپەراتسيالاۋىن جانە باسەكەگە قابىلەتتىلىگىن قامتاماسىز ەتۋ ماسەلەلەرىنە باسىم نازار اۋدارىلدى.
ج. تۇيمەبايەۆ ەۋرازيالىق ينتەگراتسيا يدەياسىن العاش رەت 1994 - جىلى قازاقستان رەسپۋبليكاسىنىڭ پرەزيدەنتى ن. ءا. نازاربايەۆ ۇسىنعانىن اتاپ ءوتتى. ول ەلدەرىمىز 20 جىل بويى تاۋەلسىز مەملەكەتتەر دوستاستىعى، ەۋرازيالىق ەكونوميكالىق قاۋىمداستىق، كەدەندىك وداق جانە ءبىرىڭعاي ەكونوميكالىق كەڭىستىك تاجىريبەلەرىنەن بەل اسىپ، ەلباسىمىزدىڭ يدەياسى ەندى جۇزەگە اسىرىلىپ جاتقانىن جەتكىزدى.
قازاقستان ەلشىسى ە ا ە و-نىڭ بارشاعا ورتاق حالىقارالىق قۇقىق قاعيدالارى، ونىڭ ىشىندە وداق مۇشە مەملەكەتتەرىنىڭ ەگەمەندىك تەڭدىگى مەن تەرريتوريالىق تۇتاستىعىن، ساياسي قۇرىلىمىن ءوزارا سىيلاۋ، ءوزارا ءتيىمدى ىنتىماقتاستىقتى، تاراپتاردىڭ ۇلتتىق مۇددەلەرىن جانە تەڭ قۇقىقتارىن قامتاماسىز ەتۋ، نارىقتىق ەكونوميكا جانە جاۋاپتى باسەكەلەستىكتى ساقتاۋ پرينتسيپتەرى نەگىزىندە قۇرىلىپ جاتقانىن ءمالىم ەتتى.
رەسەي، بەلارۋس جانە قىرعىزستان ەلشىلەرى ە ا ە و وعان قاتىسۋشى ەلدەردىڭ ەكونوميكالارىن جانە الەۋمەتتىك سالالارىن دامىتۋ، حالىقتارىنىڭ حال- احۋالىن كوتەرۋ ماقساتتارىن كوزدەيتىنىن ايتتى. ە ا ە و ونىڭ ماقساتتارى مەن قاعيدالارىن بولىسە الاتىن ءار مەملەكەتتىڭ قوسىلۋىنا اشىق.
ءىس- شارا قاتىسۋشىلارى ەۋرازيالىق ەكونوميكالىق وداققا جانە ونىڭ تۇركيامەن ىنتىماقتاستىعىنا قىزىعۋشىلىق تانىتقان تۇرىك جۋرناليستەرىنىڭ سۇراقتارىنا جاۋاپ بەردى.