بۇرىن سوتتالعان، جازاسى تولىق وتەلمەگەن 32 جاستاعى قاراعاندىلىق ەر ادام ءوزىنىڭ ەگدە جاستاعى اناسى ارقىلى بايىعىسى كەلىپ، ىسكە بۇعان دەيىن بىرنەشە رەت ءىستى بولعان دوستارىن تارتتى.
25 - قاڭتار كۇنى 67 جاستاعى ايەلدىڭ ءۇي تەلەفونىنا بەلگىسىز بىرەۋ حابارلاسىپ، ودان بالاسىنىڭ قىلمىستىق جاۋاپكەرشىلىكتەن بوساتىلۋى ءۇشىن 400 دوللار بەرۋدى تالاپ ەتكەن. زەينەتكەر ايەل بىردەن پوليتسياعا حابارلاسىپ، جالعان پوليتسەيلەردىڭ تەلەفون سوعۋى تۋرالى ايتقان.
زەينەتكەر ايەلدىڭ ۇيىنە قاراعاندى قالالىق ءى ءى ب- نىڭ وكتابر پوليتسيا ءبولىمىنىڭ تەرگەۋ-جەدەل توبى جەتىپ، اقشانى تابىستاۋ كەزىندە ونىڭ ۇلىن جانە 43 جانە 29 جاستاعى دوستارىن ۇستادى.