قازاق حاندىعى تۋرالى كىتاپ جارىق كوردى

استانا. قازاقپارات - تاراز قالاسىندا قازاق حاندىعى تۋرالى تۇڭعىش مونوگرافيا جارىق كوردى. كىتاپتىڭ تۇساۋكەسەرى تۇركىستان ولكەسىنىڭ تاريحىن زەرتتەيتىن ءجۇسىپ بالاساعۇن اتىنداعى ورتالىقتا ءوتتى.

كىتاپ «قازاق حاندىعىنىڭ قۇرىلۋ تاريحى» دەپ اتالادى.

ەڭبەكتىڭ اۆتورى -  پروفەسسور، تاريح عىلىمدارىنىڭ دوكتورى بەرەكەت كارىبايەۆ.

مەرەيتوي قارساڭىندا شىققان عىلىمي ەڭبەكتە قازاق حاندىعىنىڭ قۇرىلۋ بارىسى مەن تاريحي كەزەڭدەرى جازىلادى. سونداي-اق ەتنيكالىق جانە ساياسي ماسەلەلەر دە تەرەڭ زەرتتەلگەن. اۆتور كىتاپتى شىعىس دەرەكتەرىنەن العان مالىمەتتەرگە سۇيەنە وتىرىپ جازعان.

بەرەكەت كارىبايەۆ، تاريح عىلىمدارىنىڭ دوكتورى:

- 80 نەن استام جازبا دەرەكتەر قولدانىلدى. ونى سۇرىپتايتىن بولساق، تىلدىك، الەۋمەتتىك، ايماقتىق پرينسيپتەر بويىنشا توپتاستىرىلعان جانە اۋىز ادەبيەتىنىڭ ماتەريالدارى، ونىڭ ىشىندە تۇركى حالىقتارىنىڭ اۋىز ادەبيەتى، قازاق حالقىنىڭ اۋىز ادەبيەتى، شەجىرەلىك ماتەريالدار جانە ءارتۇرلى باتىرلىق جىرلار، داستاندار قولدانىلادى.

24.kz