كەنەسارى حاننىڭ باس سۇيەگىن ومبىدان ىزدەۋ كەرەك - حانگەلدى ءابجانوۆ

استانا. قازاقپارات - كەنەسارىنىڭ باس سۇيەگىن ومبىدان ىزدەۋ كەرەك.

 بۇل تۋرالى بۇگىن ورتالىق كوممۋنيكاتسيالار قىزمەتىندەگى بريفينگتە ق ر ۇلتتىق عىلىم اكەدەمياسىنىڭ كوررەسپوندەنت- مۇشەسى، تاريح عىلىمدارىنىڭ دوكتورى، پروفەسسور، «ش. ءۋاليحانوۆ اتىنداعى تاريح جانە ەتنولوگيا ينستيتۋتى» ر م ق ك ديرەكتورى حانگەلدى ءابجانوۆ ءمالىم ەتتى.

 «كەنەسارى بابامىزدىڭ باسىن قايتارۋ - ماڭىزدى ماسەلە. قازىر ءبىزدىڭ ينستيتۋت مەملەكەتتىك قولداۋ اياسىندا وسى ماسەلە بويىنشا جۇمىس جۇرگىزىپ جاتىر. سوڭعى پىكىر - كەنەسارىنىڭ باسى ماسكەۋدەن دە، پەتەربوردان دا تابىلمايتىن سياقتى. ەڭ قىمبات دۇنيەلەردى ساقتايتىن مەملەكەتتىك قورعاۋ قىزمەتى جۇمىس ىستەيدى. كەنەسارى حاننىڭ باسى سول جەردە بولۋى مۇمكىن دەگەن بولجام بار. ەكىنشى بولجام بويىنشا، كەنەسارى حاننىڭ باسىن باتىس سىبىردەن، ومبىدان ىزدەۋ كەرەك دەگەن تاعى ءبىر بايلامعا كەلىپ وتىرمىز»، - دەيدى عالىم.

 وسى ورايدا ح. ءابجانوۆ باس سۇيەكتى ىزدەستىرۋ ءجۇرىپ جاتقاندىعىن، بيىل وسى ماسەلە بويىنشا پەتەربور ، ومبى جانە تومسك مۇراجايلارىنا عىلىمي ساپارلار بولعاندىعىن اتاپ ءوتتى.

«دەرەك بار، ءبىراق باس سۇيەك جوق. اتاپ ايتقاندا بيىل دا، جالپى الداعى ۋاقىتتا دا ىزدەۋ جۇمىستارى اياقتالمايدى. ناقتى دەرەكتەر تابىلىپ جاتسا، ءسۇيىنشى حابار بىزدەن بولسىن»، - دەپ ءتۇيدى ول.

اۆتور: رۋسلان عابباسوۆ