قىتاي بەيجىڭنەن ماسكەۋگە دەيىن جاڭا تەمىرجول تارتپاق
بۇل قىتاي مەن رەسەي اراسىنداعى جولداعى ۋاقىتتى ەكى كۇنگە دەيىن قىسقارتپاق. جاڭا جولباعىت قازاقستان ارقىلى وتەدى دەپ جوسپارلانۋدا. رەسەي تەمىر جولدارى ۆيتسە- پرەزيدەنتى الەكساندر ميشارين دە بۇدان بۇرىن وسى پەرسپەكتيۆالى جوبا جونىندە ايتقان بولاتىن.
«ءبىز جاڭا كولىك جەلىسىن قۇرامىز، ونى اۋقىمى مەن ماڭىزى جاعىنان سۋەيش ارناسى قۇرىلىسىمەن سالىستىرۋعا بولادى»، دەپ مالىمدەدى سوندا شەنەۋنىك. ونىڭ ايتۋىنشا، ءبىر استانادان ەكىنشىسىنە جەتۋ ءۇشىن جولعا 30 ساعاتتاي ۋاقىت كەتەدى.
سونداي- اق جاقىندا رەسەي كولىك مينيسترلىگى، ر ت ج، ق ح ر- دىڭ دامۋ جانە رەفورما جونىندەگى مەملەكەتتىك كوميتەتىنىڭ جانە «قىتاي تەمىر جولدارىنىڭ» وكىلدەرى جوعارى جىلدامدىقتى تەمىرجول ماگيسترالىن دامىتۋ سالاسىنداعى ىنتىماقتاستىق تۋرالى مەموراندۋمعا قول قويدى.
جوعارى جىلدامدىقتى ماگيسترال قۇرىلىسىن قىتاي تارابى قارجىلاندىرماق، بۇل تۋرالى قىتاي ەلىندەگى دەرەككوزدەر ءمالىم ەتتى.