قازاق حاندىعىنىڭ العاشقى استاناسى

استانا. قازاقپارات - اتىراۋ وبلىسىنداعى كونە سارايشىق قالاسى - قازاق تاريحىنداعى اسا قۇندى جادىگەردىڭ ءبىرى.

قالانىڭ ەۋروپا مەن ازيانىڭ قيىلىسار تۇسىنان ورىن تەبۋى الدىمەن التىن وردانىڭ، كەيىن نوعاي جانە قازاق حاندىقتارىنىڭ كورنەكتى استاناسى اتانۋىنا ىقپال ەتكەن.

سارايشىق XII عاسىردا شىڭعىس حان، كەيىن باتۋ حانداردىڭ تۇسىندا حالىق تىعىز قونىستانعان ىرگەلى قالا بولعان. كەيىن XV عاسىردا قازاق حاندىعىنىڭ ىرگەسىن قالاۋشىلاردىڭ ءبىرى - ءاز جانىبەكتىڭ باتىس ۇلىستاعى بيلىك ورتالىعىنا اينالعان.

سارايشىقتىڭ XV- XVI عاسىردا ءوسىپ-وركەندەۋىنە قاسىم حاننىڭ دا قوسقان ۇلەسى زور. «قاسىم حاننىڭ قاسقا جولى» اتتى العاشقى جارعىنى قۇراستىرعان تاريحي تۇلعا مۇندا كوپ جىل بيلىك قۇرىپ، كەيىن وسى اراعا جەرلەنگەن دەگەن دەرەك بار.

بيىل تويلانعالى جاتقان قازاق حاندىعىنىڭ 550 جىلدىعى اياسىندا سارايشىقتىڭ دا تاريحتاعى ورنى انىقتالۋى ءتيىس، - دەيدى ماماندار.

وتەپبەرگەن الىمگەرەيەۆ، ولكەتانۋشى:

- 1957 - جىلى شىققان قازاق س س ر تاريحىندا XVI عاسىردىڭ اياعىنداعى ەڭ ساۋلەتتى كەسەنەلەردىڭ جانىبەك پەن قاسىم حاننىڭ كەسەنەسى وسى سارايشىق قالاسىندا بولدى دەپ جازىلعان. سوندىقتان مىناۋ قازاق حاندىعىنىڭ قۇرىلعانىنا 550 جىل دەپ جاتساق، بۇل سارايشىقتى دا ءبىز ەستە ۇستاپ، بۇگىنگى ۇرپاقتى جادىندا قالدىرۋ ءۇشىن يگى شارالار ۇيىمداستىرۋىمىز كەرەك.

www.24.kz